MATHAIA 23:15 - PATHIAN LEKHABU IRTHIANG C.L. Bible (BSI)

¹⁵ Nangni Dân irchutirtuhai le Farisaihaio, nin chung a rik e! mi inkhat irlet hrangin tuikhanglian le ram phêk pumpui nin irfang ngaia, khan, a hong irletin chu kha mi kha nangni nêka a bâk inhni’n hrem hmuna fe hrangin nin siam ngai,

MATHAIA 23:15 ပူးပေါင်းရင်းမြစ်များ

ESTHERI 8:17

Khanchu, ram bial tin le kho tina, rêng thupêk a tungna hmun tina, Judahaiin lômna le raifânna an neia, sûn irngamna le hruaithena hai khom an nei ta. Judahai kha an chi tâk sikin, kha rama mi tamtak chu Judaa an irlet tâk a ni.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 3:7

Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?

MATHAIA 5:22

Keima’n chu nangni ki hril, mâni urêng chunga ningmur chu a chungthu rêl ni a ti; a urêng “hmangnaboipa” ti chu Sanhedrin-ah rêl ni a ti; a urêng “invêtpa” ti lenvâng chu hremhmun meia fe inruk a nih ti nangni ki hril a ni.

MATHAIA 5:29

Ni mit chang tiangin nang an tûktirin chu kêlsuakin lân, pai rak roh; ni taksa pumpui hremhmuna pai nêkin chu taksa mit kiangkhat boi chu ni ta hrangin a sa ual.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

TÎRTÔNHAI SINTHO 13:10

“Diabola nâipa, satna tinrêng râlpa. Milak tinrêngin ni sipa, zoro tina Pathian thutak hi thu no inchang ni itum ngai a ni.

TÎRTÔNHAI SINTHO 13:43

Inkhôm an chîn zoiin chu, Juda mi tamtak le Juda saphun Pathian ngaisak tam takin Paula le Barnaba kha an zuia, an inkhômnaa khan Pathian lungkhamnaa om mai hrangin an inthorhaia.

TÎRTÔNHAI SINTHO 14:19

Khannisianlân, Antiokei le Ikoniom ata Juda senkhat an honga, mipuihai kha an hong inhminhaia, Paula chu lungin an dênga, a thi tâk sônin kho sûng ata an kai suaka.

TÎRTÔNHAI SINTHO 14:2

Iam nuamloi Judahai khan Jentailhai an inthorhaia, urênghai kha an khôkmâktirhaia.

TÎRTÔNHAI SINTHO 17:13

Khannisian, Thesalonika taka Judahai khan, Paula’n Beroia khuaa khom Pathian thu an sîr tih an inhriatin chu kha khan khom an va fea, mipuihai an inthora; an buai nôk tâka.

TÎRTÔNHAI SINTHO 2:10

Frugia le Pamfulia ram, Aigupta le Libia rama Kurini khua kôlvêla omhai ei nia; senkhat Rom khua ata hong,

TÎRTÔNHAI SINTHO 6:5

Kha thu khan mipui murdi an lômtirhaia; khanchu, Stefana, iamtu det tak le Irtha Irthianga sip le Filipa, Prokora, Nikanora, Timona, Parmena, Nikola, Juda saphun, Antiokei khuaa mihai an inthanghaia.

GALATIA 4:17

Ni irdoipuihai hin a sa lama nangni hong ngaisak ni mahaia, nangni hruaipaia, nin irngaiinhluthai an nuam sika kêng.

GALATIA 6:12

Taksa tianga, ser tan hranga nangni inphût ngaihai kha a chungphua tiang ringot inlanga, irpâk nuamhai kha an ni. Kha kha an tho ngai, nikhomsianlân, Krista Kros sika dengtheina an zôkna hranga paia an itho ngai a ni.

EFESI 2:3

A dik takin eini khom ei rêngin anni angin ei iom a ni, ei taksa irzuknahai dungzuiin ei oma, ei takpum le ei lungrîlhai lungdo ei isin a ni. Eini khom mi danghai angin Pathian ningmurna nâi ei ni kha.