MATHAIA 23:13 - PATHIAN LEKHABU IRTHIANG C.L. Bible (BSI)

¹³ “Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 23:13 ပူးပေါင်းရင်းမြစ်များ

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ZAKARIA 11:17

Kha belrapu hmanghmunboi chung kha a rik e! A belra pâlhai chu a mâksanhaia. Irdoina’n a sinthotheina chu inboipai ving a ta, a bân chu zeng a ta, a chang tiang mit chu chô a ti,” a tia.

MATHAIA 23:16

‘Nangni hruaitu mitcho, tukhom Tempil sâlin mi’n khomâksâm sianlân, ite ni mah, Tempil rângachak sâla khomâksâm chu a isua hrang a ni,’ tituhaio, nin chung a rik e!

MATHAIA 23:23

“Nangni Dân irchutirtuhai le Farisai vârirlethaio, nin chung a rik! A zoro taka vâng ngai, podina hai, lêngmiser hai, kumhoi hai sôma inkhat nin pêk ngaia, Dân thua poimo ual, dikna hai, lungkhamna hai; iamomna hai nin ngainêp ngai, khannisian, khahai kha kêng nin itho rua tak chu a ni, a danghai khi ma ual loiin.

MATHAIA 23:25

“Nangni Dân irchutirtuhai le Farisai vârirlethai! nin chung a rik: Nin khilât le khêng pên tiang nin infâia; a sûng tiang chu hlêprûkna le insumloina’n a sip a ni.

MATHAIA 23:27

“Nangni Dân irchutirtuhai le Farisai vârirlethai! Thân lung nâl invâra, pên tianga sataka inlang, khannisian a sûng tiang chu mithi ruhai le ruak porinchena tinrênga sip ang kha nin ni.

MATHAIA 23:29

“Nangni Dân irchutirtuhai le Farisai vârirlethai! nin chung a rik e! Deipuhai thân nin sina, mi felhai inhriatmaina lunghai nin irvo ngaia;

MATHAIA 3:7

Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?

LUKA 11:52

Dân irchutirtuhai khom nangni an tak pe vang na! vârna châbi nin chôipaia, nangni lak lût no chin ni, a lût nuamhai tena nin khâl ngai”, a tia.

JOHANA 9:22

A nu le pahai khan Judahai an chi sika khaanga an iti a ni; Judahaiin chu, “Ama kha Krista a nih,” ti a pom murdi chu Sinagok ata inhnot suak hrangin an le’rsiam diam tâka.

JOHANA 9:24

Khan, mitcho lei ni ngaitu kha a voi hnina an koi nôka, a kuang, “Pathian makunga thudik hril hrangin inkungna nei ro! Nang indampu kha mi sual a nih ti kin inhriat,” an tia.

JOHANA 9:34

Anni khan an sâm nôka, “Sual pumpuia suak mo ni mak che, ni’rchutir ni itum?” an tia. Khanchu an inhnot suak tâka.

TÎRTÔNHAI SINTHO 13:8

Eluma, dôithei (Kha kha Grik chonga a’rhming a ni.) khan Ramoptu kha iamna thu kha in-iam notir a tuma, anni kha a sêlhaia.

TÎRTÔNHAI SINTHO 5:28

“Hi Jisua irhminga thu insîr viat ta loi hrangin thu nangni kin pêka; irngai u ta, nin thu irchutir Jerusalem pumpui nin insip zit tâk hi te; hi mi thina hi keini chunga nin ni intum a ni hi te,” tiin a sâmhaia.

TÎRTÔNHAI SINTHO 5:40

Khanchu, a thu kha an zôma, tîrtônhai kha an koia, an khaphaia, Jisua irhminga thu’nsîr viat ta loi hrangin thu an pêkhaia, an insuahai tâka.

TÎRTÔNHAI SINTHO 8:1

Saula khom khan Stefana thi kha a sa a ti saa. Kha nikhua ata khan Jerusalem-a Koiindang kha deng an theitirhai tâka. Khanchu, tîrtônhai vai no chu Juda le Samari ram kho tina an indarh zit tâka.

2 TIMOTHEA toc2 2 TIMOTHEA 3:8

Jannia le Jambria’n Mosia an idoi anga khan, kha mihai khom khan thutak hi an doi ngai, lungrîl siat zoi tâka, iamna lama khom Pathian nuamloina lam mi an ni.

2 TIMOTHEA toc2 2 TIMOTHEA 4:15

A kuang nang khom irdîn takin om ngai roh, ei thu’nsîr a idoi tak tak ngai kêng.