MATHAIA 21:41 - PATHIAN LEKHABU IRTHIANG C.L. Bible (BSI)

⁴¹ Anni khan a kuang, “Kha mi suakhai kha that a ta, grep irhuan kha a nghâkpu dang, a ra irhmal zoroa, a zoro taka a dongtum a pe ngai hrangtu kuang pe a ti,” an tia.

MATHAIA 21:41 ပူးပေါင်းရင်းမြစ်များ

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

ISAIA 65:15

Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.

DANIELA 9:26

Khan hapta sômruk inhni zoia hriak inthek chu inboi ni a ta, ite nei ta no ni: khan rêng la hong hrang mihaiin khopui le a hmun irthiang chu insiat an ta; khanchu a mongna chu tuilian leh ni a ta, a mong dênin irdoina om a ta, siatnahai chu inkung sai a ni.

ZAKARIA 12:12

A ram sûnga sûngkua tinhai chu mâni sûngkua seng la châ an ti: Davida sûngkuaa mihai, Nathana sûngkuaa mihai,

ZAKARIA 13:8

Ki mihai chu doihai ki ta, khanchu ram sûng murdia mipuihai chu hmun thuma sena hmun hni chu thi an ti.

MATHAIA 21:34

Grep ra irhmal zoro a hong tungin chu, a nghâktuhai kuang khan dongtum va la hrangin a suakhai a tîra.

MATHAIA 21:40

Khan, grep irhuan chongpupa a hong tikin, kha irhuan nghâkhai kha imo lohai ni?” tiin Jisua’n a’rdonhaia.

MATHAIA 21:43

Khasikin nangni ki hril, “Pathian Ram hi nin kuang ata lapai ni a ta, ra insua hrang namhai kuang ipêk ni a ti.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

LUKA 20:16

“Hong a ta, irhuan enkoltuhai kha that irhmanghai a ta, irhuan kha mi danghai pe a ti,” a tia. Kha thu kha an inhriatin chu, ‘Kha tenpa bâk kha chu tho tet no ni,’ an tia.

TÎRTÔNHAI SINTHO 15:7

Zoro sôt tak an ngaitua hnungin Petera a ngîra, an kuang, “Urênghaio, Jentailhaiin keima bâi ata Thurchi Sa an inhriata an iamna hrangin Pathianin tiana nin lai ata nin thang kha nin inhriat.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.

TÎRTÔNHAI SINTHO 28:28

Pathian saninhringna kha Jentailhai kuang pêk a nih ti inhre roi; anni’n chu irngai irngai an ta,” a tia.

TÎRTÔNHAI SINTHO 28:8

Poplia pa kha inkhur le thisena in-êk irveiin a lei zâl chiana. Paula khan a ena, a lua kut irnghatin a chongchaia, a dam tâka.

1 THESALONIKA 2:16

Saninhringna an ni theina hranga thuhril khom an ni khapa, sual chungirchuan thoa, a hnungkhôn taka chu Pathian ningmurna an chunga a itung tâk a ni.

HEBRAI toc2 HEBRAI 12:25

Thu’nsîrtu kha lei nuam loiin nin om loina hrangin irdîn roi. Irnênga thu lei insîrtu lua kha nuam maka, hremna zôk mah. Eini irvâna irthoka thu’nsîrtu hnung songhai len vâng chu hremna kha zôk thei viat no ih.

HEBRAI toc2 HEBRAI 2:3

Hiang dôra saninhringna roiinpui vâng hi te uksak loiin tho inlân, itin mo ei irbîk thei hrang? Hi saninhringna hi a phuta Rengpa’n an puanga, kha hnung ama inhriathaiin a dik tih an ni ifia pe nôk a ni.