MATHAIA 21:34 - PATHIAN LEKHABU IRTHIANG C.L. Bible (BSI)

³⁴ Grep ra irhmal zoro a hong tungin chu, a nghâktuhai kuang khan dongtum va la hrangin a suakhai a tîra.

MATHAIA 21:34 ပူးပေါင်းရင်းမြစ်များ

ISAIA 5:4

Ki insâp nêka tam ki grep irhuana, Imo ki la insâp mai hranga? Grep ra sa hmu ngêt hrangin ki tuma, a dol inzenin a ni ra pea;

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

MATHAIA 21:35

Irhuan nghâkhai khan an suakhai kha an lei chela, inkhat an zêma, inkhat an thata, inkhat lungin an dênga.

MATHAIA 21:38

Khannisianlân, irhuan nghâkhai khan a nâipa kha an lei hmu’n chu ‘Hi mi hi a chongpu nâipa a ni; Tho that ei ta, ar chon hi lei lua pe rei!’ an tia.

MATHAIA 21:40

Khan, grep irhuan chongpupa a hong tikin, kha irhuan nghâkhai kha imo lohai ni?” tiin Jisua’n a’rdonhaia.

MATHAIA 21:41

Anni khan a kuang, “Kha mi suakhai kha that a ta, grep irhuan kha a nghâkpu dang, a ra irhmal zoroa, a zoro taka a dongtum a pe ngai hrangtu kuang pe a ti,” an tia.

MATHAIA 22:3

Hruaithe hranga a ifialhai kha koi buk hrangin a siahlohai a tîra, khannisian hong nuam mahaia.

MARKA 12:1

Khan, Jisua’n chongirkhekin an kuang thu an sîra, “Voikhat chu mi inkhatin Grep irhuan a siama, dâiin ar kula, grep sômna hrang khur a choia, in irsâng a sina. Khanchu, loi enkol ngaihai kuang a chuan irhlo hrangin a pêka, ram danga an zin tâka.

MARKA 12:7

Khannisianlân, irhuan enkoltuhai khan, ‘Hi pa hi irchon lua hrangtu chu a ni, tho that ei ti, ar chon lua hrang hi ei lua theina hrangin,’ an irtia.

MARKA 12:9

“Khan, irhuan chongpu khan imo a ilo hrang tâk?” tiin Jisua’n ar dona. Hong a ta, kha mihai kha thathai a ta, grep irhuan kha enkoltu dang pe paihai a ti.

LUKA 20:9

Vântâng mipui kuang Jisua’n hi chongirkhek thu hi a hril tâka, “Mi inkhatin grep irhuan a siama, irhuan enkoltuhai kuang a chuan a’rhlotirhaia, ram danga zoro sôttak a zu irhmanga.