MATHAIA 19:28 - PATHIAN LEKHABU IRTHIANG C.L. Bible (BSI)

²⁸ Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 19:28 ပူးပေါင်းရင်းမြစ်များ

1 RÊNGHAI 18:31

Rengpa nir hming chu Israel ti an tih tia Jakoba nâi sômhleihnihai hrang bîka lung sômhleihni chu Elija’n a lâka.

2 THURCHI SUINA 9:19

Kâmkeibaknei irlim sômhleihni leidâk sîr tiang khan an boktirhaia, khaang dôra roiinpui kha tûte rama la om ngai ma.

EZRA 6:17

Khan, kha Pathian in inhlanna hrangin sehrâtchal irzakhat, kêlbelrachal irzahni, bêlrate irzaminli an irhlana; khan Israel mi om murdi’n an sual irbôlna hrangin kêlchal sômkhat inhni seng an pêka.

FESUAKNA 15:27

Kha hnung chu Elim an itihna hmun an hong tunga, kha hmun khan tuihnâr sômhleihni le tûm kung sômsari a oma; tui kôla khan riakbuk irpuk an khôr ta.

FESUAKNA 24:4

Mosia khan Rengpa thupêkhai kha a’rziaka, zînga chu inrang takin a thoia, tâng kôla khan maichâm a siam irfûka, Israel nam om dôr lung chopui sômhleihni a phuna.

FESUAKNA 28:21

Lung man tam sômhleihnihai laia an rêngin Israel nam inkhat seng irziak hrang a ni. Israel nam sômhleihni entîrna a ni theina hrangin.

ISAIA 65:17

Irngai ro, irvân thar le irnêng thar ki siam ta, matona thilhai a hek zoi ta, inhriat mai ni ta no ni.

ISAIA 66:22

“Irvân thar le irnêng thar ki isiam hrang chu, ki kuanga om mai a ta, khaang ngêt khan nin irchihai le nin irhminghai om mai a ti.

LEVI DÂN 24:5

Baiphit a sa zâtin bai tang sômhleihni, her khata rikin, siam ro,

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 19:27

Khanchu, Petera’n a kuang, “En ta, keini’n itinrêng mâkin nang kin zuia, imo kin ihmu hrang?” a tia.

MATHAIA 20:21

Jisua’n a kuang, “Imo ni izong?” a tia. Ama khan, “Hi ki nâipasalhai ruai hi ni Rama, ni chang tiang inkhat, ni vei tiang inkhat, an toi theina hrangin thu pehai ro ba,” a tia.

MATHAIA 25:31

“Khan, Mihriam Nâipa chu vântîrtôn murdi leh roiinpui taka a zuang tikin chu, a rêngtoihmun roiinpui taka toi a ta,

MATHAIA 6:33

A ram le a felna chu zong masa roi, khanchu, hihai murdi hi nangni pêk bêlsa a ti.

MATHAIA 8:20

Jisua’n a kuang “Sihalhaiin khur an neia, chunglêng vahai khomin riak hmun an nei; Mihriam Nâipa hi chu a lu irnghatna hrang lua nei ma,” a tia.

MARKA 10:37

Anni khan a kuang, “Ni roiinpuina Rama ni rêngtoihmun chang tiang inkhat vei tiang inkhat nin toitir hrangin kin nuam,” tiin an sâma.

TÎRTÔNHAI SINTHO 3:21

Aniachu, itinrêng siamthar zoro a tung mâka chu irvânin ama kha lan sua no ni; kha siamtharna thu kha Pathianin a deipu irthianghai bâia tianlai ata a insîr tâk kha.

2 TIMOTHEA toc2 2 TIMOTHEA 2:12

Ei tuangin chu, Ama leh roirêl sa ei ti. Ei hnôlin chu, ni hnôl a ti.

JOSUA 3:12

Israel nam tin laia, mi sômkhat inhni inthang suak unglân,

2 PETERA toc2 2 PETERA 3:13

Khannisianlân, Pathian inkung, irnêng thar le irvân thar, a sûnga felna omna kha, ei inghâk a ni.

THUPHUANG 11:16

Khanchu, upa sômhni minlihaiin an rêngtoihmuna Pathian makunga toihai khan inbokin,

THUPHUANG 12:1

Khanchu, thilirkhêl roiinpuitak irvâna an langa. Nupangnu misaa irvo, a ke hnuaia tha om, ârsi sômhleihnia siam rênglukhum khum hi a oma.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 21:5

Khanchu, rêngtoihmuna toitu khan, “Atûn chu thil tinrêng ki siam inthar ta!” a tia. Khabana, “Irziak roh, hi thuhai hi iam a omin an idik kêng,” a ti saa.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.

THUPHUANG 7:4

An michala Pathian irsinsiana zonhai hrilin ki oma, nuaihni sîngminli le sângminli an ni. Khahai kha Israel nam sômhleihnihai an ni.