MATHAIA 19:22 - PATHIAN LEKHABU IRTHIANG C.L. Bible (BSI)

²² Ruathartepa khan kha chong kha an hriatin chu chardong takin a rot ta, mi irchongtak a ni sikin.

MATHAIA 19:22 ပူးပေါင်းရင်းမြစ်များ

INPÂKNA HLAHAI 17:14

O Rengpa, ni kutin mihriamhai ata, Rammual mihriamhai ata hi saninzôk roh; Anni dongtum chu atûn hring sûnga an inei hi a nia, An phîng chu nir chon hrangin nin siptir pe ngaia, nâi le te lungchuk takin an neia, An sum hmang ban chu an nâitesenhai an thisan pe ngai.

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

MATHAIA 13:22

Fachî ilhling kâra tâk kha thu inhre tâkhai an ni, Khannisian, hi rammual kanna le irchongnahai khan thu kha a dîpa, ra nei ngai mah.

MATHAIA 14:9

Reng kha a sân a char an dongtir tâka, khannisian a chonginkung sikin le a khual mihai sika khan pêk hrang thu an kung tâka.

MATHAIA 16:26

Mi’n rammual hi a pumin nei sianlân, a hringna inchân sianlân, a ta hrangin imo a’rfêna? A ninole, mi’n a hringna irthûlin imo a ipêk hrang?

MATHAIA 19:21

Jisua’n a kuang, “Satirkipa om ni nuamin chu fe’n lân, ni inei murdi zuarin lân, kha sum kha inrianghai kuang pe roh, khanchu, irvâna irchon nei ni ti; kha hnung chu, hongin lân, ni hong zui roh,” a tia.

MATHAIA 19:23

Khan, Jisua’n, a irchutirhai kuang, “Thudik nangni ki hril; mi irchonghai hrangin chu irvân Rama lût a intak ok hrang a ni.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

MARKA 10:22

Khapa khan kha chongbâi kha an hriatin chu, a hmâi a môk rupa, milung inzîng takin a rota, sum tamtak nei mi a ni sikin.

MARKA 6:26

Reng khan poi a ti tak taka, khannisian, a khual mihai makunga a chonginkungna sika khan irkhâl thei maka.

LUKA 18:23

Kha thu kha a hong inhriatin chu a sân a char a dong tâka irchongpa a ni sikin.

JOHANA 16:20

Thudik tak nangni ki hril, nangni’n nin mit irthi tâkin chap nin ta, khannisianlân, nin chardong kha lômna la chang a ti.

EFESI 5:5

Irdit uar hai, mi porinche hai, mi huatirham (Kha kha millim biak tihna a ni); kha mihai khan Krista le Pathian Rama khan dongtum nei viat mahai ti inhre fel roi.

KOLOSA 3:5

Nin rammual om dân sual: irditna hai, porinchena hai, hurna hai, irzukna sual hai huatirhamna hai (kha kha millim biakna a ni,) hihai hi thatpai roi.