MATHAIA 17:18 - PATHIAN LEKHABU IRTHIANG C.L. Bible (BSI)

¹⁸ Jisua’n ramilhli kha thu a pêka, nâipangtepa sûng ata kha a suaka, kha zoro taka khan a hong dam ta.

MATHAIA 17:18 ပူးပေါင်းရင်းမြစ်များ

MATHAIA 12:22

Khan, mi senkhat Jisua kuang mitcho le ramilhli’n a chel sika chong theiloi an hong hruaia. Jisua’n khapa kha an dama, khanchu, a hong chong theia, a hong hmu thei ta.

MATHAIA 15:28

Khasikin Jisua’n a kuang, “Nupangnu a sân ni iam, ni inuamlam ang takin ni chunga tung ri se” a ti pea. Khanchu, a nâinu kha, kha zoro lai taka khan a hong dam tâka.

MATHAIA 17:17

Khan, Jisua’n, “Iti hraia iamna boi mo nin ini tâk! Idôr ten mo nin kuang omin nangni ki ingaitua thei hrang? Nâipangtepa kha ki kuang hong hruai roi!” a tia.

MATHAIA 17:19

Khanchu, irchutirhai kha Jisua kuang an honga, “Itho mo keini’n kin inhnot suak thei loi?” tiin mi inhriat loiin an irdon zâia.

MATHAIA 9:22

Jisua chu a hong irheia, khanu kha a hmua, a kuang, “Ki nâinu, irtharngam takin om roh; ni iamna hi ni idampui a ni,” a tia. Khanchu, kha zoro taka khan a hong dam tâka.

MARKA 1:34

Jisua’n natna tinrênga dam no tamtak an dama, ram khohri ichel tamtak an hnot suaka. Ram khohrihai khan ama an inhriat sikin an chong phal mah.

MARKA 5:8

(Hi a itih nasan chu Jisua’n a kuang, “Nang ramilhli, hi pa sûng ata hi hong suak roh,” a lei ti tâk sika a ni).

LUKA 4:41

Khan, “Pathian Nâipa ni ni,” tia khêkin ramilhlihai khom mihai sûng ata an suak tâka. Krista a ni tih an inhriat sikin. Jisua’n ramilhlihai kha chong hrang phalhai ma.

LUKA 8:29

Jisua’n irtha porinche kha a sûng ata suak hrangin, thu a pêk sika hianga a iti a ni. Voi iza an chela, lung ina an khum ngaia, a kut a ke thîrhruiin an khita an pôisata, ramilhli khan ramchâr tiang a hruai ngai a ni.

LUKA 9:42

Khan, nâipang kha a hongin chu, ramilhli khan irnênga an zuan raka, an rîl ta. Jisua’n ramilhli kha thu a pêka, nâipang kha an damtira, a pa kuang a pêk ta.

TÎRTÔNHAI SINTHO 16:18

Khaang khan, sûn tamtak a tho tena chu Paula milung hoi ta maka, a’rheia, ramilhli kuang khan, “Jisua Krista irhmingin a sûnga irthoka suak hrangin thu nang ki pêk,” a tia. Mitkhap kârin a suak zôi tâka.