MATHAIA 16:27 - PATHIAN LEKHABU IRTHIANG C.L. Bible (BSI)

²⁷ Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 16:27 ပူးပေါင်းရင်းမြစ်များ

JOBA 34:11

Mi an sintho ang takin a thuan nôk ngai. Mi tin an omdân angin an chunga an tungtir ngai.

INPÂKNA HLAHAI 62:12

O Rengpa, lungkhamna hi ni ta ngêt a ni: Mi tin an sintho ang taka ni thuan ngai a ni.

THUVÂRHAI 24:12

“Kei chu ite inhre ma ung” ni ti thei, Pathianin chu ni lungrîl tumna an hriata, a ivarh mai kêng. Nang a thîr chiana; nang an hriat zit. Ni sintho lam ang takin nang thuan nôk a ti.

THUHRILTU 3:17

Khan, ki milungin, “Pathianin mi felhai le mi pualoihai chunga roi la rêl a ti, sin tinrêng ta hrang le sintho tinrêng ta hrang khomin zoro bi seng a om sikin,” ki tia.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 32:19

Nang chu roirêlna satakhai nir fûkin thil roiinpuihai ni tho ngaia, mihai sintho hi ni hmu vinga, an sintho lam takin lômman ni pêk ngai.

EZEKIELA 18:20

Thil sual thotu chu thi ngêt a ti, nâipa khan a pa sualna mô pêl no nia, pa khomin a nâipa sualna chu pêl no ni; mi dikin a dikna man hmu a ta, mi sualin a sualna man hmu a ti.

EZEKIELA 7:27

Reng chu beiindongin om a ta, milianhai chu an sabei dong a ta, ram sûnga mihai chu chitnain om zit an ti. An sintho ang zêlin thuanhai ki ti, an irphu ang zêlin hremhai ki ti; khanchu Rengpa chu ki nih ti inhria an ti,” a tia.

DANIELA 7:10

Khatak ata kha mei a hong chok suaka, a sânga sângin a sin an thoa, a makunga khan a sîng a sîng têlin an ngîra, roirêlna kha a phut tâka, lekhabuhai a phên tâka.

ZAKARIA 14:5

Khan nangni chu hi mual inhnihai kâra irhôr ata hi zôk nin ta, nin irchibulhaiin Judai ram rêng, Uzia inlal laia hnîngnupui ata an izôk ang khan nangni khom zôk nin ti. Rengpa ki Pathian chu vântirtônhai murdi leh zuang a ti.

MATHAIA 13:41

Mihriam Nâipa’n vântîrtônhai kha tîr a ta, a Ram ata mi, sual inthotir ngaihai le sualtho ngaihai kha bûm an ta,

MATHAIA 13:49

Rammual mong tika chu khaang khan la om a ti, vântîrtônhai chu zuang suak an ta, mi felhai laia irthokin mi sualhai kha bûm an ta,

MATHAIA 24:30

Kha zoro tika chu irnênga nam tinrêngin chapin an rôp irchûm an ta, Mihriam Nâipa hi sinthotheina le roiinpuina irkhêl tak le irvân sûm laia a zuang hmu an ti.

MATHAIA 25:31

“Khan, Mihriam Nâipa chu vântîrtôn murdi leh roiinpui taka a zuang tikin chu, a rêngtoihmun roiinpui taka toi a ta,

MATHAIA 26:64

Jisua’n a kuang, “Ni ni ti mai tâk khate. Khannisianlân nangni ki hril: nakana chu, atûn ata Mihriam Nâipa hi Itinrêngthothei chang tianga toia, irvân sûm chunga zuang la hmu nin ti,” a tia.

MATHAIA 8:20

Jisua’n a kuang “Sihalhaiin khur an neia, chunglêng vahai khomin riak hmun an nei; Mihriam Nâipa hi chu a lu irnghatna hrang lua nei ma,” a tia.

MARKA 14:62

Jisua’n a kuang, “Ki ni, Mihriam Nâipa hi sinthotheitu chang tianga toiin, irvâna sûm kâra zuang la hmu nin ti,” tiin a sâma.

MARKA 8:38

Tukhom atûnlaia mihai, uire hmang le sual takhai laia keima le ki thu inzakpui chu, Mihriam Nâipa hi vântîrtôn irthianghai le a Pa roiinpuina leh a zuang tika chu lan zakpui a ti,” a tia.

LUKA 21:27

Kha zoro tika chu Mihriam Nâipa hi sinthotheina le roiinpuina irkhêl tak leh sûm laia zuang hmu an ti.

LUKA 22:69

Khannisianlân, atûn ata chu Mihriam Nâipa hi Pathian sinthotheina chang tiang toi ta a ti,” a tia.

LUKA 9:26

Ki thu le keima nin zakpui ka chu Mihriam Nâipa khomin a roiinpuina le, Pa le vântîrtôn irthianghai roiinpuina le, a zuang tika anni kha lan zakpui a ti.

JOHANA 21:22

Jisua’n a kuang, “Ki zuang nôk mâka hring mai hrangin nuam khom inlân, imo ni ilo hrang? Ni zui zôi zel roh,” a tia.

JOHANA 21:23

Khan, kha irchutir kha thi loi hrang angin urênghai laia thu an thang tâka. Khannisianlân, Jisua’n thi no nih ti a kuang a insîr ni mah. “Ki zuang nôk mâka hring mai hrangin nuam khomin lân, imo ni ilo hrang?” a itihna kêng a ni.

TÎRTÔNHAI SINTHO 1:11

Kha mihai khan, “Galili mihaio, ithoa mo irvân tiang enin nin ingîr mai? Hi Jisua nin kuang ata irvâna lâkpai hi irvâna a ikâi nin hmu ang takin zuang nôk a ti” an tia.

ROM KHUAA MIHAI KUANGA TÎRTÔN PAULA LEKHATHON 14:12

Khanchu, ei rêngin Pathian makunga mâni thurchi insîr seng hrang ei ni.

ROM KHUAA MIHAI KUANGA TÎRTÔN PAULA LEKHATHON 2:6

Pathianin chu mi tin an sintho ang takin a irêl hrang a ni.

1 KORINTH 15:23

Aniachu, mâni zoro senga kaithoi ni an ti; a masa taka Krista a nia, Krista tahai chu a zuang nôk tika kaithoiin om an ti.

1 KORINTH 3:13

Krista Nikhuaa khan meiin an lâr hrang sikin, mei ngei khan mi tin sintho kha fia ta a ta, a ini tak inlang a ti.

1 KORINTH 8:8

Khannisian, fâk hin Pathian leh ei irzomna chu ni siam insa pe thei loi a ni; fa no khom inlân ite inchân no ih, fa khom inlân ite hmu ual no ih.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

EFESI 6:8

Suak khom suakloi khom, mi tinin an thil sa tho lômman Rengpa kuang ata an hmu seng hrang a nih ti nin inhriat a ni.

KOLOSA 3:25

Thil dikloi thotuhai khan thil dikloi an itho man hmu an ti, Pathian chu tûte theibîk nei mah.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

1 THESALONIKA 4:16

Rengpa ngei kha thupêk khêk irhai le, vântîrtôn roiinpui tak irhai le, Pathian bekul irhai le irvân ata zuang chum a ti, Kristaa thi tâkhai kha thoi masa an ti.

JAKOBA toc2 JAKOBA 5:7

Khanchu, urênghaio, Rengpa zuang mâka chu diar takin om roi. Loi neitu’n a loi ata ra inlût hrang a inghâk dân hi en roi; rua masa le rua hnungkhôn a nghâk mai mai ngai a ni.

1 PETERA toc2 1 PETERA 1:17

Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.

1 JOHANA 2:28

Atûn hin, Nâihaio, a zuang inlâr tika hâi taka ei oma, a zuang Nikhuaa inzak loia ei om theina hrangin Kristaa khan om mai roi.

JUDA 1:14

Adama irchi fe thiai a sarina, Enoka khan hihai chungchâng hi an lei hrila, “En u ta, Rengpa chu a mi irthiang sâng tamtak leh zuang a ti.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.