MATHAIA 16:21 - PATHIAN LEKHABU IRTHIANG C.L. Bible (BSI)

²¹ Kha zoi ata chu Jisua’n a irchutirhai kuang fel takin thu an sîra, “Jerusalema a fe hrang thu hai, upa hai, Ochai inlalhai le Dân irchutirhai kuta a tuang hrang thu hai, thatpaia a om hrang thu hai le sûn thum nia kaithoia a om hrang thu hai kha,” a irchutirhai a hril irphut tâka.

MATHAIA 16:21 ပူးပေါင်းရင်းမြစ်များ

NEHEMIA 12:7

Salua, Amoka, Hilkia, Jedaia. Hihai hi Jesua dam laia ochai le an urênghai laia hruaituhai an ni.

MATHAIA 12:40

Jona chu sûn thum le zân thum ngapui sûnga a iom ang khan Mihriam Nâipa hi sûn thum le zân thum irnêng sûnga a iom hrang a ni.

MATHAIA 16:22

Petera’n ama kha a bingin a hruaia, a kuang, “Pathianin a khap, Rengpa! kha thil kha ni chunga tung viat no ni,” tiin a ngoa.

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

MATHAIA 17:12

Khannisian, nangni ki hril, Elija chu a izuang pial tâk kêng; mihaiin lei inhre mahaia, an nuam nuam an lei lo kha. Khaang dênin Mihriam nâipa khom hin an kut a ituang hrang a ni,” a tia.

MATHAIA 17:9

Khanchu tâng ata an zuang chumin chu Jisua’n an kuang, “Mihriam Nâipa thina ata a thoinôk mâka chu nin thil hmu hi tûte hril viat no roi,” tiin thu a pêkhaia.

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

MATHAIA 26:2

“Sûn hni hnunga Ferkân kût a hong iom hrang a nih ti nin inhriat, Mihriam Nâipa hi hembe hrangin ipêk ni a ti,” a tia.

MATHAIA 26:47

A la chong lai takin irchutir sômhleihnihai laia Juda kha a hong tunga, ama pâla khan Ochai inlalhai le Dân irchutirtuhai le vântâng ulian itîr tamtakhai, khandai le hêmvuak chôiin an hong tung tâka.

MATHAIA 27:12

Khannisianlân, Ochai inlalhai le upahaiin an isêlna thua chu ite khomin sâm mah.

MATHAIA 27:63

a kuang, “Ka pu, kha milakpa khan a hring laiin sûn thum hnungin chu thoinôk ki ti,” a iti kin inhriat.

MATHAIA 28:6

Hin om ta mah, a iti ang khan a thoinôk ta. Hin hong unglân, a zâlna hi hong en roi.

MARKA 8:31

Khan, a irchutirhai kuang, “Mihriam Nâipa’n intakna tamtak a ituang ngêt hrang thu hai, upahai, Ochai inlalhai le Dân irchutirtuhaiin an ihnôl hrang thu hai, an ithat ngêt hrang thu hai, sûn thum hnunga a ithoinôk ngêt hrang thu hai,” ar chutir irphut tâka.

MARKA 9:12

Khan Jisua’n an kuang, “Thil tinrêng siam infel hrangin Elija kha a izuang masa ngêt hrang a ni, khannisianlân, itho sika mo Pathian Thubu’n Mihriam Nâipa dengtheina tamtak tuangin mi ihnôlin la om a ti, a iti?

LUKA 17:25

Khannisian, atûnlai mihai hin la hnôl an ta, thil tamtak a ituang masa hrang a ni.

LUKA 24:46

An kuang, “Krista khan tuang ngêt a ta, sûn thum ni’n mithi lai ata thoi nôk a ti,

LUKA 9:31

Irvân roiinpuina’n an zuang inlâra, Pathian tumna sua hranga, Jerusalema a thi hrang chungchâng thu Jisua leh an insîr a ni.