MATHAIA 15:31 - PATHIAN LEKHABU IRTHIANG C.L. Bible (BSI)

³¹ Mipuihai khan chong theiloihai kha hong chongin, kholrabaichahai kha hong damin, kea fe’n, mitcho hai mit hong vâr tâk kha an hmu’n a sân a’rkhêl an tia; khanchu, Israel Pathian kha an inpâk ta.

MATHAIA 15:31 ပူးပေါင်းရင်းမြစ်များ

IRPHUTNA 32:28

Khan kha mi khan, “Ni’rhming khom Jakoba nang ti ta no nihaia; Israel nang ti ta an ti; Pathian le mihriam nir buanpuia, nin hnê tâk sikin,” a tia.

IRPHUTNA 33:20

Kha hmuna khan maichâm a siama, a’rhming khom El-elohe (Israel Pathian) iti a ni ta.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 50:23

Tukhom lômthu insîr irbôlna inhlan murdi chu an ni chôiindôm ngai a nia; Khan, a omlam vong insatu kuang khan Pathian saninhringna nang inentir ki ti,” a tia.

FESUAKNA 24:10

Israelhai Pathian chu an hmua. A ke hnuaia khan safir lung siakhôm ang, a irtêkzia chu irvân ni ôm tak hi a oma.

MATHAIA 15:30

Mipui tamtak a kuang an honga, ke’nbâi hai, mitcho hai, suakinsual hai, chong theiloi hai le mi dang tamtak Jisua kuang an hong hruaihaia; a lei indamhai thiaia.

MATHAIA 18:8

“Ni kutin mani, ni ke’n mani, nang an tûktirin chu tanpaiin lân, pai chian roh! kut kiang hni mani, ke kiang hni mani neia kumtuang hremhmuna nang pai nêkin chu kut boi, ke boia hringnaa lût ni ta hrangin a sa ual.

MATHAIA 21:14

Tempila khan mitchohai le ke’nbâihai a kuang an honga, a lei indamhaia.

MATHAIA 8:10

Jisua’n kha kha an hriatin a sân ar khêl a tia, a zuituhai kuang khan, “Thudik nangni ki hril, Israelhai laia hiang dôra iamna nei hi tûte la hmu ma ung.

MATHAIA 9:32

Khan, kha mihai kha an suak laiin, mi senkhatin ramilhli ichela chong theiloi inkhat Jisua kuang an hong hruaia.

MATHAIA 9:33

Khannisian, ramilhli kha an hnotpai le chu, kha mihriam kha a hong chong thei tâka; mi tinin an irngai ar khêl tâka, “Israelhai laia hiang rêng rêng hi la hmu ngai mak me,” an tia.

MATHAIA 9:8

Mipuihai khan kha kha an hmu’n chu, an chia, mihriamhai kuang irchamneina pêktu Pathian kha an inpâk ta.

MARKA 2:12

Khanchu, a thoia, a zâlna kha a lâka, an rênga mit hmua a suak zôi tâka; an rêngin ar khêl an ti tak taka, “Hiang hi ei la ihmu ngai viat loi kêng,” tiin Pathian an inpâk tâka.

MARKA 7:37

An hriat murdi’n ar khêl an ti tak taka, “A isin tinrêng hi ar khêl a ni! kuarsêthai khom an vâr pehaia, chong theiloihai khom a inchongtir thei hi!” an tia.

MARKA 9:43

Khan, ni kutin nang an tûktirin chu, tan zôi ro! kut kianghni neia hremhmuna fe nêkin chu kut bûia hringnaa fe ni ta hrangin a sa ual.

LUKA 14:13

Hruai nin thê tikin chu inrianghai, suakinsualhai, ke’nbâihai, mitchohai fial ual roh;

LUKA 14:21

Siahlo kha a honga, kha thu kha a pu a hrila. A chongpupa kha a ning an mur tâka, siahlo kuang khan, ‘Fe latin lân, kholaidung haia, inkongkâr haia, fe’n lân, invâihai, kholra baicha hai, mitcho hai, ke’nbâi hai, hi hin hong hruai lût roh,’ a tia.

LUKA 18:43

Irningloiin a hong hmu thei tâka. Mi murdi’n kha kha an hmu’n chu Pathian an inpâka.

LUKA 7:16

Mi murdi’n an chia, Pathian an inpâka, “Ei laia Deipu roiinpui tak a zuang iom tâk a ni,” an tia; Pathianin a mihai a zuang ihro tâk a ni, an ti saa.

JOHANA 9:24

Khan, mitcho lei ni ngaitu kha a voi hnina an koi nôka, a kuang, “Pathian makunga thudik hril hrangin inkungna nei ro! Nang indampu kha mi sual a nih ti kin inhriat,” an tia.