MATHAIA 15:28 - PATHIAN LEKHABU IRTHIANG C.L. Bible (BSI)

²⁸ Khasikin Jisua’n a kuang, “Nupangnu a sân ni iam, ni inuamlam ang takin ni chunga tung ri se” a ti pea. Khanchu, a nâinu kha, kha zoro lai taka khan a hong dam tâka.

MATHAIA 15:28 ပူးပေါင်းရင်းမြစ်များ

JOBA 13:15

Ama khan ni thatpai khomsian, Ama chu la sabei ki ta, A makunga ki thiamna thu ki la hril hrang sikin.

JOBA 23:10

Ki lampui hro chu an hriata, A ni fia zoi le rângachak angin suak ki ta.

INPÂKNA HLAHAI 145:19

Ama chituhai nuamlam chu hlo an chuk pe ngaia, An khêk irhâi chu an hriata, anni chu a saninzôk ngai.

CHAP HLA 3:32

A nin renin lung a ni ithung ngêt hrang a ni.

MATHAIA 14:31

Jisua’n a hei inbana, an tûk zôi tâka, a kuang, “Ni iamna a tôm bâka! Itho sika mo lung ni irhlatir?” a ti pea.

MATHAIA 15:27

Nupangnu khan a kuang; “Rengpa, a ni chu a ni, khannisian, uihai khomin an pu maichâm ata bai irnôi tâk chu an fâk ngai khate,” tiin a sâma.

MATHAIA 8:10

Jisua’n kha kha an hriatin a sân ar khêl a tia, a zuituhai kuang khan, “Thudik nangni ki hril, Israelhai laia hiang dôra iamna nei hi tûte la hmu ma ung.

MATHAIA 8:13

Jisua’n, sipai irza hruaitu kuang khan, “Fe tan lân, ni iam angin ni chunga tung ri se,” a tia. khan, kha zoro ngeia khan nâipang kha a dam tâka.

MATHAIA 9:22

Jisua chu a hong irheia, khanu kha a hmua, a kuang, “Ki nâinu, irtharngam takin om roh; ni iamna hi ni idampui a ni,” a tia. Khanchu, kha zoro taka khan a hong dam tâka.

MARKA 5:34

Jisua’n a kuang, “Ki nâinu, ni iamna hi ni idampui a ni, irtharngam takin fe tan lân, ni natna ata kha hong dam suak ta ni ti,” a tia.

LUKA 17:5

Tirtônhaiiin Rengpa kuang khan, “Kin iamna nin det pe roh,” an tia,

LUKA 7:50

Khan, nupang kuang khan, “Ni iamna hin nang a isaninhring a ni, irtharngam takin fe ta ro,” a tia.

LUKA 7:9

Khan, Jisua’n kha kha an hriatin kha pa kha a sân a’rkhêl a tia, a’rhei têi tuaia, a zuituhai kuang, “Nangni ki hril, hiang dôra iamna irkhêl hi Israelhai laia tukhom la hmu ma ung,” a tia.

2 THESALONIKA toc2 2 THESALONIKA 1:3

Urênghaio, nangni sikin Pathian kuang lômthu hril mai hrang kin nia, kha kha kin itho hrang pial a ni. Iamnaa chung nin tuar tak taka, nin rênga lung nin irthung irhlômna khom an thûk tîr tîr a ni.

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.