MATHAIA 15:22 - PATHIAN LEKHABU IRTHIANG C.L. Bible (BSI)

²² Kha rama om Kanaan nupangnu inkhat a kuang a honga, “Davida Nâipa! lung nin kham ro! ki nâinu ramilhli’n a chela, dengthei takin a iom kêng,” tiin a khêka.

MATHAIA 15:22 ပူးပေါင်းရင်းမြစ်များ

INPÂKNA HLAHAI 4:1

O ki felna Pathian, nang ki koi zoro’n ni sâm roh; Ki lunginzîng lai hin ni san roh. Lung nin khamin lân, ki chongchaina nir ngaitua pe roh.

INPÂKNA HLAHAI 45:12

Tura nâinu chu thilpêk chôiin kha khan om a ta; Mi laia irchonghai ngei khan ni lungkhamna ngên an ti.

INPÂKNA HLAHAI 6:2

O Rengpa, lung nin kham roh; ki sôl zoi tâk kêng: O Rengpa, nin damtir roh; ki ruhai hi a na zit ta.

EZEKIELA 3:6

Chong hmang intak le ni inhriat loi chong hmang namhai kuang nang ki itîr ni sianlân, ni thu irngai no nihai.

MATHAIA 1:1

Jisua Krista chu Davida irchi a nia, Abrahama ata an irkai lam chu hiang hin a ni.

MATHAIA 15:23

Khannisianlân, Jisua’n chu bâi khat luan sâm mah. A irchutirhai a kuang an honga, “Hi mi hi infetir ta roh! khêk diaiin ei hnung a ni zui,” tiin an ngêna.

MATHAIA 17:15

“Rengpa, ki nâipa hi lunginkham ro! Hrisangol irvei a nia, a tuang hrai tâka, voi iza tuia le meia an rîl tâka.

MATHAIA 4:24

Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MATHAIA 9:27

Khan, Jisua’n kha hmun kha a mâka, a lei fe’n chu mitcho inhni’n an zuia, “Davida Nâipa, lung nin kham ro!” tiin an khêka.

LUKA 17:13

an khêka, “Jisua, Hruaitupa, lung nin kham ro,” an tia.

LUKA 18:13

“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

LUKA 6:18

A thu’nsîr irngai hrang le natnahai indam hranga hong an ni. Ramilhli ichelhai khom an hong dam tâka.