MATHAIA 15:19 - PATHIAN LEKHABU IRTHIANG C.L. Bible (BSI)

¹⁹ Milung ata nin ngaituana sual hai, mi thatna hai, uirena hai, irditna hai, inrûkna hai, milaka irsêlna hai, Pathian hril siatna hai a ihong suak ngai a ni.

MATHAIA 15:19 ပူးပေါင်းရင်းမြစ်များ

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

INPÂKNA HLAHAI 119:113

Lungrîl mumal neiloi mihai chu ki hnôla, Ni dân rêk chu ki’rngaiinhlu a ni.

THUVÂRHAI 22:15

Nupanghai lungrîla khan intona a kop ngita, khannisian irchutirna hnukirhâi sa khan siam insa a ti.

THUVÂRHAI 24:9

Intô ngaituana chu sual a ni. Mi hmusit chu mi ihnuaisia an ni ngai.

THUVÂRHAI 4:23

Thil dang nêkin ni lungrîl vêng insa ro; hringna hong suakna kêng a ini.

THUVÂRHAI 6:14

A lungrîla tukullianna a oma, thil sual a ngaitua maia, irngeiloina a tû ngai.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

ISAIA 59:7

Sual sin hrangin a sân an hrât ngaia, mi dik thisen insuak hrangin an irhnot ngai. An thil irngaituana a koi zoia, an fena hmun tina thil a siat zoi ngai.

JEREMIA 17:9

Mihriam lungrîl hi thil dang nêka porinche tak a nia, siam insa tak tak a ni, Tu mo an hriat thei hrang?

JEREMIA 4:14

Jerusalem ni lungrîla irthokin sual infâi ro, khanchu saninzôkin om ni ti. Idôr mo ni ngaituana sual hi a la iom hrang?

NAMBAR 22:29

Balaama’n sakuartung kuang khan, “Deng ni nin theitir sika a ni, khandai chôi sa len vâng inlân chu, nang that ta ki ti,” a tia.

MATHAIA 15:20

Kha kha mihriam porinchetirtu chu a ni; kut irsûk loia bu nêk hi chu mi porinchetir ngai ma,” a tia.

MATHAIA 5:28

Keima’n chu hiang hin nangni ki hril, tukhom, nupang indit ena en ka chu, a lungrîla a iuire chian tâk a ni.

MATHAIA 9:4

Jisua’n an lungrîla an ingaituahai kha a lei inhriata, an kuang, “Ithoa mo khaanga thil saloi nin lungrîla nin ingaitua?

TÎRTÔNHAI SINTHO 8:22

Aniachu, ni sual hi irletin lân, Rengpa kuang chongchaiin lân, ni ngaituana sual hi nang ngaidam no ni mo.

ROM KHUAA MIHAI KUANGA TÎRTÔN PAULA LEKHATHON 7:18

Keimaa mihriam hi chu thil sa ite om mah ti kin hriat; thil sa tho nuamna nei ngai khom inlân, tho thei ma ung.