MATHAIA 14:19 - PATHIAN LEKHABU IRTHIANG C.L. Bible (BSI)

¹⁹ Mipuihai kha sûl chunga toi hrangin thu a pêkhaia; Khanchu, bai ringa le nga inhni kha a lâka, irvân tiang enin Pathian kuang lômthu an sîra. Bai kha a khoia, irchutirhai kuang a pêka, irchutirhai khan mipuihai kuang an sem pehai tâka.

MATHAIA 14:19 ပူးပေါင်းရင်းမြစ်များ

MATHAIA 14:18

Jisua’n, “Hin hong chôi roi,” a tia.

MARKA 6:39

Kha hnung chu, Jisua’n mipuihai kha, a pâl pâlin irsena, hloisûl chunga intoihai hrangin irchutirhai chong a bêhaia.

MARKA 6:41

Kha zoiin chu Jisua’n bai ringa le nga inhni kha a lâka, Pathian kuang lômthu a hrila. Kha hnung chu bai kha a khoia, mipuihai sem pehai hrangin a irchutirhai kuta a pêk ta. Nga khom kha an rênga laia a sem pehai sa tâka.

MARKA 7:34

Kha hnung chu Jisua’n irvân tiang tangin a phûk an sum huta, a kuang “Efatha,” a tia. (Kha kha Grikin, “Lei irhong roh,” tihna a ni).

LUKA 22:17

Khanchu, khilât a lâka, Pathian kuang lômthu an sîr zoiin, an kuang, “Hi hi la unglân, irsem roi.

LUKA 22:19

Khan, bai a lâka, Pathian kuang lômthu an sîr zoiin a khoia, an kuang a pêkhaia, “Hi hi ki taksa a ni, nin ta hranga pêk a ni; nin ni inhriat maina hrangin hi ang hin tho ngai roi,” a tia.

LUKA 24:30

Zân bu an hong ot suama, bai a lâka, sat a vura, a khoia an kuang a pêka.

LUKA 9:14

Hiang dôra mipui sângringa fâk hrang, kin va irchôk hrang ma ni?” tiin an sâma. Khan a irchutirhai kuang, “Mipuihai hi a buk bukin sômringa chitin intoitirhai roi,” a tia.

LUKA 9:16

Khan, Jisua’n bai ringa le nga inhni kha a lâka, irvân enin Pathian kuang lômthu an sîra, a khoia, khanchu mipuihai kuang sem hrangin a irchutirhai a pêk tâka.

JOHANA 11:41

Khanchu lung kha an khâipai tâka, Jisua kha a tanga, “Ka Pa, ki thu nir ngaitua sikin lômthu kin sîr.

JOHANA 6:23

Rengpa’n lômthu an sîr zoia bai an fâkna kôla Tiberi khua ata irkuang dang honghai kha an hong tung tâka.

TÎRTÔNHAI SINTHO 27:35

Kha thu kha an sîr zoiin bai a lâka, an rênga makunga khan Pathian kuang lômthu an sîr zoiin a khoia, a fâk irphut tâka.

ROM KHUAA MIHAI KUANGA TÎRTÔN PAULA LEKHATHON 14:6

Sûn khat ser bîktu chu Rengpa chôiindômna hrangin a iser a ni; itinrêng fâktu chu, Pathian kuang lômthu insîr baka a ifâk a ni sikin, Rengpa a ichôiindôm a ni. A fâk loitu khom khan Pathian kuang lômthu an sîr sa dên sikin Rengpa chôiindômna hrangin a inghei a ni.

1 KORINTH 10:16

Satvur khilât chunga lômthu ei insîr hi Krista thisen irzompuina a ini loi ma ni? Bai ei ikhoi ngai khom hi Krista takpum irzompuina a ini loi ma ni?

1 KORINTH 10:31

Khaang khan, nin isin murdi, nin ifâk le nin i-in murdi Pathian roiinpuina hrangin tho roi.

1 KORINTH 11:24

“Hi hi ki takpum a ni, nin ta hranga a ni, nin ni inhriatmaina hrangin tho hen roi,” a iti kha.

KOLOSA 3:17

Krista zâra Pathian kuanga lômthu hril pumin, nin itho murdi, thu’nsîra mani sinthoa mani Rengpa Jisua irhmingin tho zit roi.