MATHAIA 13:38 - PATHIAN LEKHABU IRTHIANG C.L. Bible (BSI)

³⁸ loi chu rammual hi a ni, chi sa chu Ram nâihai an nia, farhli chu sual nâihai an ni;

MATHAIA 13:38 ပူးပေါင်းရင်းမြစ်များ

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

INPÂKNA HLAHAI 22:30

Thoiintharhaiin a sintho an ti; Thoiinthar hong om thiaihai kuang khan Rengpa thurchi kha hril an ti.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

HOSEA 2:23

Khan, kha kha ki ta hrangin irnênga hin song ki ta, inren loinu kha inren ki ta, ki mi ni loi kha ki mi ni nih ti ki ti,” khan, ama khan, “Ki Pathian ni nih,” ti a ti.

MATHAIA 13:19

Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

MATHAIA 24:14

Khan, hi Ram Thurchi Sa hi nam tin inhriatna hrangin rammual pumpuia ihrilin la om a ta, khanchu, a mongna hong tung a ti.

MATHAIA 5:37

Ni thu’nsîr kha “A ni” nin iti chu a nih ni ri se, “Ni mah” nin iti chu, ni mah ni ri se, khaban kha chu sual ata suak a ni.

MATHAIA 8:12

Ram nâihai chu pên tiang inthima inhnot suak ni an ti; kha khan chap le irkamirtôk om a ti,” a tia.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

JOHANA 12:24

Thudik nangni ki hril; bu’rmal irnênga a tâka a thi no’n chu, ar mal dênin a om chiana, a thiin chu ra tamtak an sua ngai.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

TÎRTÔNHAI SINTHO 13:10

“Diabola nâipa, satna tinrêng râlpa. Milak tinrêngin ni sipa, zoro tina Pathian thutak hi thu no inchang ni itum ngai a ni.

ROM KHUAA MIHAI KUANGA TÎRTÔN PAULA LEKHATHON 10:18

Khante, an mikuarin an inhriat ngailoi tak tak ma ni? Inhriat e: “An irhâi chu ram tina an thanga, An thu chu kôlkung dênin an thang suak ta,” ti a ni.

ROM KHUAA MIHAI KUANGA TÎRTÔN PAULA LEKHATHON 16:26

Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

ROM KHUAA MIHAI KUANGA TÎRTÔN PAULA LEKHATHON 8:17

Pathian nâihai ei niin chu ar chon luatuhai ei ni, Krista tuangna ei irkoppui ngêt hrang a ni.

KOLOSA 1:6

Nin kuang Thurchi Sa a hong tunga Pathian lungkhamna kha nin inhriat infel nî ata thil om dân ang khan rammual ram tina Thurchi Sa khan ra a suakin a indarh ta a ni.

JAKOBA toc2 JAKOBA 1:18

A thil siamhai laia ra masa hrangin ama nuamlam ang takin thutaka a ni inei a ni.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

1 PETERA toc2 1 PETERA 1:23

Chi siat thei ata ni loiin chi siat thei loi Pathian kumtuang thu hring ata suakinthar nin ni.

1 JOHANA 3:2

Inditom takhaio, atûn hin Pathian nâihai ei ni tâka, itin mo ei la iom hrang tih chu lan lang mah. Ama a zuang inlâr tika chu ama angin om ei tih iti ei inhriat, a nilam ang takin ama kha ei la hmu hrang sikin.

THUPHUANG 14:6

Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.