MATHAIA 13:19 - PATHIAN LEKHABU IRTHIANG C.L. Bible (BSI)

¹⁹ Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

MATHAIA 13:19 ပူးပေါင်းရင်းမြစ်များ

THUVÂRHAI 1:7

Rengpa chi chu inhriatna bul a ni. Khannisianlân, invêthaiin chu vârna le irchûtirna an hmusit ngai.

THUVÂRHAI 17:16

Intô thiamna neina hranga sum inthâm hi ite ar fêna om ma, mânia inhriatna a nei no sikin.

EZEKIELA 31:18

“Thingkung kha Aigupta rêng le a mipuihai chu an nia, Edena thinghai lua khaanga irsâng le milung lâk kha om mahai; khannisian atûn chu, Eden irhuana thinghai ang khan, Pathian nei loihai le irdoina khan ithata lei om tâkhai zom hrangin mithi khuaa fe ta a ti, keiin ki iti a ni,” Rengpa Pathianin a tia.

MATHAIA 12:26

Setana khom Setana an hnot suakin chu mâni irdoi ni a ta, a ram chu itin mo a ingîr suak thei hrang?

MATHAIA 13:20

Khan, fachî lungpherpha irnêng irphânnaa tâk chu, thu an hriat zoi le lôm taka pom zôi zelhai hi an ni.

MATHAIA 13:38

loi chu rammual hi a ni, chi sa chu Ram nâihai an nia, farhli chu sual nâihai an ni;

MATHAIA 4:23

Jisua’n Galili ram murdi ar fanga, an Sinagokhaia irchutirin, Ram Thurchi Sa chu a hrila, Israelhai laia natna tinrêng le hrât nona tinrêng irveihai chu an damhai thiaia.

MATHAIA 5:37

Ni thu’nsîr kha “A ni” nin iti chu a nih ni ri se, “Ni mah” nin iti chu, ni mah ni ri se, khaban kha chu sual ata suak a ni.

MARKA 4:15

Lam kôla tâkhai kha hiang hi an ni; thu kha an inhriatin Setana a hong lata; an fachî inthek kha a lâkpai pehai zôi ngaia.

LUKA 10:9

Kha khuahai khan damloi indam unglân, an kuang, “Pathian Ram nin kuang a zuang tung ta,” ti roi.

LUKA 9:2

Khanchu, Pathian Ram thu’nsîr hrang le damloi indam hrangin a tîr suakhai tâka.

JOHANA 18:38

Pilata’n a kuang “Thutak chu imo a ini?” a tia. Kha kha an sîr zoiin chu Judahai kuang a va suak nôka, an kuang, “A chunga thiamno inchang hrangin ite a bi hmu ma unga.

JOHANA 8:43

Ki thu’nsîr hi itina mo nin inhriat thei loi? Ki thu nin dong indik no sika a ni.

TÎRTÔNHAI SINTHO 17:32

Khan, thina irthoka thoi nôk thu an inhriat le chu senkhatin an innuisana; senkhat nôkin chu, “Hi thu hi ni kuang ata a la’rngai nôk kin nuam,” an tia.

TÎRTÔNHAI SINTHO 18:15

Khannisianlân, thuhai irhminghai le nin dân chungchânga nin buaina thu chian a niin chu, nangni’n ngaitua roi. Kei chu khaang thu kha chu irngaitua nuam ma ung,” a lei tia.

TÎRTÔNHAI SINTHO 20:25

“Khasikin, inhre roi, nin rêngin, Pathian Ram thurchi insîra ki’rvâkna ngaihaia hin atûna irthokin chu ni hmu ta no chin nih ti kin hriat.

TÎRTÔNHAI SINTHO 28:23

Khanchu, nikhua an khita, kha ni khan a omna ina mi tam takin an hong pana, zîng ata zân dênin Pathian ram thu an sîra, a hrilfiaa. Mosia Dan bu le deipuhai lekhabu ata Jisua chungchânga annihai kha in-iamtir tumin a hrilhaia.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 2:8

Khannisianlân, mâni hrang vai sapirsia ngita, thutak hnôla, thil dikloi zôm ualhai chunga chu Pathian ningmurna le ninginthikna om a ti.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

2 THESALONIKA toc2 2 THESALONIKA 2:12

Thutak iam loia fel loina lôm ualhai murdi’n thiamno an ichang zit hrang a ni.

HEBRAI toc2 HEBRAI 2:1

Khasikin hruai irhmanga ei om nona hrangin thutak ei inhriathai kha ei intûk indet ngit hrang a ni.

1 JOHANA 3:12

Mi sual ata suak Kaina, a urêngpa Abela that anga khan chu om no iduah. Ithoa mo a ithat kha? Ama sinthohai a suala, a urêngpa sinthohai a fel sikin.

1 JOHANA 5:18

Tukhom Pathian inei chu thil tho’nsual mah ti ei inhriata; Pathian Neitu khan a vong inhringa, mi sual khan a itôn theiloi a ni.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.