MATHAIA 12:44 - PATHIAN LEKHABU IRTHIANG C.L. Bible (BSI)

⁴⁴ Khanchu, ‘Ki isuaksan tâknaa khan kîr nôk chian ki ti,’ a tia; a va tungin chu rongrala phît infâi diamin a va hmua.

MATHAIA 12:44 ပူးပေါင်းရင်းမြစ်များ

HOSEA 7:6

Inrûka an irdîp laiin an milung kha irtap ang dênin an isiam tâk a ni: an ningmur kha zân sôtin a dâia, zînga chu mei ir-al angin ar ala.

MATHAIA 12:29

A ninole, mi’n mi hrât kha a khit masa bak no’n chu itin mo a ina lûtin a sum a ilâkpai pe thei hrang? A khit zoia vai kêng a in kha inram pe thei hrang.

MATHAIA 12:43

“Ramilhli chu kha mi sûng ata a suakin chu irngam hmun zongin tui boina hmunhaia a chaia, khannisian hmu ta maka.

MATHAIA 12:45

Khanchu, a fea, ama nêka sual ual ramilhli sari dang a hong hruaia; an lûta, kha khan omhmun an khuar tâka. Kha mihriam om lam kha, matona nêkin a siat ok tâka. Khaang dênin, atûnlai thoiinthar sual tâkhai chunga hin la om a ti,” a tia.

LUKA 11:25

A hong kîr nôkin chu, phît fâia infel diamin a hmua.

JOHANA 12:6

Inrianghai a ngaisak sika kha chong kha a iti ni mah, inru a nia, sum kok a dôna, a sûnga om kha a lâk ngai sika a ni.

JOHANA 13:2

Khan, zânbu an nêk laiin, Diabola khan Simon nâipa Juda Iskariota kha Jisua incheltir hrangin ngaituana a lei inneitir tâka.

JOHANA 13:27

Juda’n bai hlek kha a lâk zoiin chu, a sûnga Setana a lût tâka. Jisua’n a kuang “Ni itho hrang kha tho lat ta roh,” a tia.

1 KORINTH 11:19

(Mi dikhai kha an inlang theina hrangin nin laia irsenna a om hrang pial a ni.)

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

1 JOHANA 2:19

Anni kha ei lai ata an suaka, ei mi le satak tak ni mahaia, nihai sian ei kuang an iom mai hrang a ni. Khannisian, an rêngin ei mi le sa ni zit mahai tih an inlang fiana hrangin an isuak tâk a ni.

1 JOHANA 4:4

Nâihaio, nangni chu Pathian ata suak nin nia, nangnia om Irtha kha rammuala om nêkin chu a roiinpui ual sikin deipu dolhai kha nin ngam tâk kêng.