MATHAIA 12:20 - PATHIAN LEKHABU IRTHIANG C.L. Bible (BSI)

²⁰ Hrât loihai chunga zâidamna nei a ta, Beiindonghai chunga khonzana nei a ta, Dikna khan inhnêna a pêk mâka chu mong no ni.

MATHAIA 12:20 ပူးပေါင်းရင်းမြစ်များ

2 RÊNGHAI 18:21

Aigupta’n ni la san a tih ni la isôn mai ma ni? thingluang ang mamaia om a ni, ni la inhriat loi ma ni, kiak a ta ni kut kêng nang a la isun pena hrang. Aigupta rêng Faroa chu ama iamtuhai chu ite bêa an ibe loi a ni ta.

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

INPÂKNA HLAHAI 51:17

Pathian nuamlam irbôlnahai chu irtha milung koi hi a ni. O Pathian milung insiat le irsîr ngôi ngôi hi hmusit ngai mak chea.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

LEVI DÂN 10:20

Khahai kha Mosia’n a hong inhriatin chu, a milung a chuk tâka.

MATHAIA 11:28

“Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

MATHAIA 11:7

Johana irchutirhai kha an fe zoiin chu, Jisua’n mipuihai kuang khan, Johana thurchi an sîra: “Johana kuang ramchâra nin fe laia khan imo hmu hranga nin itûng kha? Phâivua’n lâiluang a isêm inhnîng kha ma ni?

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

2 KORINTH 2:14

Khannisianlân, Pathian kuang lômthu om ri se! Krista inhnêna sika lampui hrôna khan mi intâng ang khan Pathianin Krista leh irzomin a ni hruai mai ngai sikin. Krista inhriatna thu kha hmun tina mirimhoi ang khan irthekindarh hrangin Pathianin a ni ihmang ngai a ni.

2 KORINTH 2:7

Khan khoma ngaidam unglân, lungrîl na’n a sip hrai nona hrangin inthor sa roi.

THUPHUANG 6:2

Khanchu, ki hong ena, sakor ngoi ki hmua. A chunga chuangtu khan thal a chôia, a kuang rênglukhum an pêka; inhne pumin le inhne thiai mai hrangin a suak tâka.