MATHAIA 11:28 - PATHIAN LEKHABU IRTHIANG C.L. Bible (BSI)

²⁸ “Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

MATHAIA 11:28 ပူးပေါင်းရင်းမြစ်များ

JOBA 14:1

Nupang inei mihriam hi, zoro sôtnote sûng dama, buainaa sip a ni.

JOBA 5:7

Meirisi chung tiang a irlêng ang hin, mihriam hi buai hrang piala zuang suak a ni.

INPÂKNA HLAHAI 116:7

O ki hringna, ni’rngamnaa khan kîr nôk roh, Rengpa khan ni chunga satakin a tho tâk sikin.

INPÂKNA HLAHAI 32:4

Rengpa, a sûn a zânin ni ni sepna kutin a ni dela; Kholum misa’n thinghna a inthêmtir chûl ngai ang khan ki hrâtna khom a hong irzal tâk a ni.

INPÂKNA HLAHAI 38:4

Ki pualoinahai khan ki lu hi a ngîm paia, Puakrik tak, ki izoiloi hrang ang hi a ni.

INPÂKNA HLAHAI 94:13

Mi sualhai tâkna hrang sirhup choi zoi mâka chu, Lungzîng nia sôl ni’rngamtir hrang a ni.

THUHRILTU 1:14

Misa hnuaia sin thoa lei om tâk murdi chu ki lei hmu tâka; khanchu irngai ta, thil murdi chu chanlamboi le a korong irzûl ang chu a ni.

THUHRILTU 1:8

Thil tinrêng hi hril thei bana sôlna vai kêng a ini, mit hin a thil hmua hin ruk pe maka, mikuar khom hi inhriatnaa hin sip tik nei ngai no ni.

THUHRILTU 4:8

Mi inkhat a bing doka om hi a oma, nâi le te khom nei maka, urêng khom nei sa maka, khannisian sin tho maiin a oma, irchon a ineia khan a mit irzukna chu hek thei maka; khante tu ta hrangin mo kha dôra sôla, nunkhonhoina tinrêng a inchân? Hi khom hi chanlamboi a nia, dengthei taka hringnun hmang hi a ni.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

ISAIA 28:12

Lungngam taka irngam hrangin a fialhaia, khannisian irngai nuam mahai.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

JEREMIA 35:16

Jonadaba irchihaiin chu an irchibul thupêk an zôma, nangni rêkin chu zôm nuam mak chêi.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

MATHAIA 23:4

Puakrik pêl intak takhai an siama, mihai chunga an bâng ngaia, khan kha mihai sanna hrangin an kutpârhai lua hmang nuam ngai mahai.

JOHANA 6:37

Pa’n ki kuanga a ni ipêk murdi chu ki kuang hong an ta, ki kuanga hong tâk ka chu inhnot suak no ning. Tukhom Pa hmu ngai mahai, Pa kuang ata zuang suak ni loi chu.

JOHANA 7:37

Kût hnungkhôn taka, nikhua roiinpui taka khan Jisua a ngîra, hnukirhai inring takin a khêka, “Tukhom tuiinhrâl ka chu ki kuang hong sianlân, in ri se.

TÎRTÔNHAI SINTHO 15:10

Khasikin, ei irchibulhai le eini ipêl zoi loi puak kha atûna hin iamtuhai chunga inkhop pe tumin i hrangin mo Pathian nin idoi?

TÎRTÔNHAI SINTHO 20:35

Lam tinrênga sintho irnaksongin le Rengpa Jisua’n, ‘Lâk nêkin pêk an lâp ual’ a iti kha inhre mai roi,” a tia.

GALATIA 5:1

Krista khan a nin zalêntir tâka, nin zalênnaa khan ngîr indet khak unglân, suak ringkola intâng nôk ta no roi.

2 THESALONIKA toc2 2 THESALONIKA 1:7

Rengpa Jisua kha irvân ata ama vântîrtôn sinthothei takhai le meichok laia a zuang inlang tika, nangni intak tuanghai hi hong irngamtir a ti, keini khom ni’rngamtir a ti.

HEBRAI toc2 HEBRAI 4:1

Atûn hin Pathianin kha irngamnaa nin lût hrangin chonginkung a ni ipêk a ni. Khasikin, nin laia tûte kha irngamnaa lût theiloi nin om loina hrangin irdîn ei ti.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.