MATHAIA 11:20 - PATHIAN LEKHABU IRTHIANG C.L. Bible (BSI)

²⁰ Jisua’n sinirkhêl a thôna khuaa mihai khan an sual ata irlet mahaia, khasikin kha khuahai kha a ngoa.

MATHAIA 11:20 ပူးပေါင်းရင်းမြစ်များ

JEREMIA 8:6

Nangni ki irngai chiana, tûte thu dik hril zel om mak chêi. Tu mi khom ni unglân, a thil tho’nsual sikin a poi ti maka, tu mi khomin, thil dik loi ki isin ma nih ta o! tiin irdonna siam ma, sakor irdoina hmun pana intân angin mi tin mâni lampui nin ipan chit a ni ta.

MATHAIA 12:41

Roirêlna Nikhuaa chu Ninevi khuaa mihai kha ngîr an ta, thiamno nangni inchang an ti; anni chu Jona thu insîr an inhriata, an sualhai ata an irlet tâk sikin; nangni ki hril, Jona nêka lian ual hin a om.

MARKA 16:14

A hnungkhôn taka chu irchutir sômhleikhathai bu an nêk lai takin an kuang an lâr nôka. A thoinôk hnunga a hmuhai chong taksôn loiin an milung an inngar sik le iamna reng an nei no sikin, a halirchuhaia.

MARKA 9:19

Jisua’n an kuang, “Idôra iamna boi mihriam mo nin ini tâk? Idôr ten mo nin kuanga omin nangni ki irngaitua thei hrang? Nâipang kha ki kuang hong hruai roi,” a tia.

TÎRTÔNHAI SINTHO 17:20

Ni insîr kin inhriathai hi lan hre ngai ma ung. Khasikin, itina mo a ini an hriat kin nuam,” an tia.

2 KORINTH 12:21

Ki zuang nôk tika nin mithmua ki Pathianin ni mualinphoitir a ta, matona thil sual thohai, an thil porinche tho, irditna hai, hurna hai irlet ual loiin mi tamtak sikin chapna ki ti, tih hi ki ichi sa a ni.

JAKOBA toc2 JAKOBA 1:5

Nin laia tukhomin vârna ar samin chu mi murdi kuanga inhnar loia phal taka pe ngaitu Pathian kuang ngên ri se, pêk ni a ti.

THUPHUANG 16:11

an na sik le an pân sika khan irvân Pathian khomâk an sâma, an sintho saloihai ata kha irlet ual mahai.

THUPHUANG 16:9

Mihriamhai kha misa lum taka em inlôngin an om tâka, kha dengintheina chunga irchamneitu Pathian irhming kha khomâk an sâma, an sual ata irletin ama inpâk ual mahai.

THUPHUANG 2:21

A sualna ata a’rletna hrangin zoro ki pêka, khannisian, irlet nuam mah.