MATHAIA 10:37 - PATHIAN LEKHABU IRTHIANG C.L. Bible (BSI)

³⁷ Tukhom keima nêka a nu mani, a pa mani lungthung ual chu, ki irchutir rua ni mah.

MATHAIA 10:37 ပူးပေါင်းရင်းမြစ်များ

IRPHUTNA 21:11

Khan, hi chongbâi sik hin Abrahama hrangin chu a nâi a’rkôk pe sikin a irngai hoi pe thei maka;

ZAKARIA 13:3

Khannisian mi’n thu a la hril nôk maia niin chu, ama nu le pa ngeiin ama chu that nih a ti, tiin hril ri se; minlak thoa, Rengpa thu hrila a’rti sikin. Khan thu a hril nôk laiin ama chu a nu le a pa ngeiin sun that ri sehai.

MATHAIA 22:37

Jisua’n a kuang, “ ‘Rengpa ni Pathian chu ni lungrîl murdi’n, nir tha murdi’n, ni lunginchongna murdi’n lungthung roh!’ ti hi,

MATHAIA 22:8

Khanchu a siahlohai a koia, an kuang ‘Irneina hruai kha siam zoi a ni ta, khannisianlân, ki mi fialhai kha fâkrua ni mahai.

LUKA 14:26

“Tukhom a pa mani, a nu mani a dôngma mani, a nâihai mani, a urênghai mani, a farnuhai mani, ama hringna nêk khoma lung ni thung loi chu ki irchutir ni thei no ni.

LUKA 20:35

rammual la hong om hranga thoinôknaa chang hranga inkunghai rêk chu dôngma pasal irnei ta no nihai.

LUKA 21:36

Kha thil zuang tung hranghai tuang suaka, Mihriam Nâipa makunga nin ngîr theina hrangin itiklai khomin irngaitua’n chongchai roi,” a tia.

JOHANA 5:23

mi murdi’n Pa an imahrip angin Nâipa khom mahrip an ti. Tukhom Nâipa mahrip loi chu ama tîrtu Pa khom an imahrip loi a ni.

DÂN INHNINA 33:9

A nuhai, an pahai, chunga an iamom nêkin, ni chunga an iiamom ual a ni. Ni thupêk an zôma, ni thuthunga a iamom a ni.

THUPHUANG 3:4

Khannisianlân, Sardis-ah khan an puanhai innimloi, mi tômte nin om. Anni kha puan chek silin ki kuang om ngai an ti, khaanga tho inruk an ni ngai sikin.

1 SAMUELA 2:29

Itho sika mo ki omnaa inhlan hranga ki inkung, ki kuanga irbôlna le ki dongtum thilinhlan kha nin sirbea? keima nêkin ni nâipasalhai ni inhlu ual, nangni irvâi marna hrangin mo ki mi Israelhai irbôlnaa sahai nin ihmang hi?