MATHAIA 10:25 - PATHIAN LEKHABU IRTHIANG C.L. Bible (BSI)

²⁵ Khasikin irchulai kha ar chutirtu angin a hong iom le, suak khom a pu anga a hong iom kha a ruk. In chongpu lua Belzebula an ti’n te, a in sûng mihai len vâng chu ti nok ual an ti!

MATHAIA 10:25 ပူးပေါင်းရင်းမြစ်များ

2 RÊNGHAI 1:2

Reng Ahazia chu Samari khuaa a omna in chung sîpa a tâka, a na oka a dam le damloi hrang thua Filistia Ekron khuaa pathian Baalzebuba irdon hrangin mi a tîra.

MATHAIA 12:24

Ama kha Farisaihaiin an inhriatin chu, “Hi mi hin ramilhlihai an hnot suak theina chu an rêngpa Belzebula’n irnak a pêk sika a ni,” an tia.

MATHAIA 12:27

Khan, Kei Belzebula sika ramilhlihai inhnot suak ngai ki lei ni chu, nin nâihaiin tu sikin mo an inhnot suak ngai kha? khasikin, anni chu nangni ngaituatu hranghai ni an ti.

MATHAIA 9:34

Khannisian, Farisaihaiin chu, “Ramilhli rêngpa’n, ramilhlihai inhnot suak theina irtha a ipêk a ni hi,” an tia.

MARKA 10:39

Khan, anni’n chu, “Kin thei,” tiin an sâma. Jisua’n an kuang, “Ki khilât in hrang chu in thei nin ta, ki baptisma chang hrang khom chang thei nin ti.

MARKA 3:22

Dân irchutirtuhai Jerusalem rengata zuanghai khan, “Belzebula ikop a ni hi te. Ramilhli rêng sikin kêng ramilhlihai a inhnot suak ngai,” an tia.

LUKA 11:15

Khan, mi senkhatin chu, “Ramilhli rêng Belzebula a ni sikin, ramilhlihai a inhnot suak thei a ni,” an tia.

LUKA 11:18

Setana khom mâni le mâni an irdoiin te, itin mo a ram kha a inding thei hrang? Belzebula sikin ramilhlihai inhnot suak nin ni ibe, a ti pehaia.

LUKA 11:19

Keiin Belzebula sikin inhnot suak ni inlân, nin mihai khan tu sikin mo ramilhli an lei inhnot suak ngai? Khanchu, anni kêng thiamno nangni inchangtir ual hrang.

JOHANA 10:20

An laia mi tamtakin, “Ramilhli ichel an vêt kêng! ithoa mo a chong nin irngai?” an tia.

JOHANA 7:20

Mipui khan an sâma, “Ramilhli ichel ni ni hi te; tu mo nang that nang tum?” an tia.

JOHANA 8:48

Judahai khan an sâma, “Samari mi ni nia, ramilhli ichel a ni kin iti kha, kin iti indik mo ni ma?” an tia.

JOHANA 8:52

Judahaiin a kuang, “Atûn chu ramilhli ichel ni nih ti kin inhriat infel ta; Abrahama a thi tâka, deipuhai khom an thi tâka, nang lakin, ‘Tukhom ki thu zôm chu kumkhua’n thina irtem no ni,’ ni tia.