MATHAIA 1:20 - PATHIAN LEKHABU IRTHIANG C.L. Bible (BSI)

²⁰ Khannisianlân, kha thu kha ar ngaitua laiin, irngai ta, ar manga Rengpa itîr vântîrtôn a hmua, “Josefa, Davida nâipa, ni dôngma hual Mari kha a nei chitinrîm no ro, a nâi vong chu Irtha Irthiang ata kêng, a tia.

MATHAIA 1:20 ပူးပေါင်းရင်းမြစ်များ

IRPHUTNA 31:11

Khan ki’rmangin Pathian vântirtônhaiin, ‘Jakoba an ni lei tia,’ ‘Hin ki om’, ki tia.

IRPHUTNA 46:3

Khanchu Pathianin, “Keima hi ni pa Pathian chu ki ni. Aigupta rama fe chu chi viat no’n lân fe ro; khu hmuna khun irchi tam takin nang siam ki ti:

1 RÊNGHAI 17:13

Elija’n, “Ni charindong no ro, inhongin lân, nin fâk hrang chu va siam roh. Khannisianlân, bai a chînte a ni khomin ni siam pe bakin lân, ni hong pe ro, a dang chu ni nâipa leh la fa ta roi,” a tia.

1 RÊNGHAI 3:5

Gibeona’n Solomona irmanga Rengpa a inlâr pea, Pathianin “Ni inuam murdi zong ro, nang pe ki ti,” a tia.

INPÂKNA HLAHAI 119:125

Ni suak ki nia; inhriat thiamna ni pe ro, Ni’rchûtirna kin hriat theina hrangin.

INPÂKNA HLAHAI 143:8

Zînga khan ni lungkham lianna thu nin hretirin lân, Nangmaa ki iamna ki’rnghata. Ki fena hrang chu nin hretirin lân; Ki hringna hi ni kuta kin kol khaka.

INPÂKNA HLAHAI 94:19

Ki lungrîla ngaitua tamtak ki nei lai khan ni irtharngamnahai khan ki hringna hi an lômtir ngai.

THUVÂRHAI 12:5

Mi dikhai ngaituana chu a fela; mi siahai roizêk chu huangna a ni.

ISAIA 26:3

Dettaka nangma kuanga irnghathai chu irtharngam takin nin omtira.

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

ISAIA 51:7

Thudik inhriattu, lungrîla ki dân vonghaio, ki thu hi irngai roi, Mihriamhai demna irngai no unglân, nangni an manêpnahai chardong irlapui ual no roi.

ISAIA 7:13

Isaia’n, “Davida irchihaio, irngai roi, mi danghai insôltir a ruk la ti loiin, kin Pathian a le tianga nin insôltir nuam ma ni?

ISAIA 7:2

Suria sipaihaiin Israel ram an hong tung tah ti Davida in mihai an hong hrilhaiin chu an chi tak taka, rampuia thing phâivua isêm ang hin an inthing nat tâka.

JEREMIA 31:22

O nang, nâinupang pûtsôt iamom loi mihai, idôr mo nang ki inghâk hrang? Rengpa’n irnênga thil a siam inthar tâk mani, nupangin pasal an ivêl tâk hi!” a tia.

JEREMIA 33:26

Hihai hi ki sin a ini angin Jakoba irchihai le a ni zui Davida le ki thuthung chu hlo ki inchuktir hrang a ni. Abrahama, Isaka le Jakoba irchihai chunga roirêl hrangin, Davida irchihai laia irthokin inkhat khôk inthang ki ti. Ki mihai chunga khonzâna nei ki ta, anni chu vângsakna siamhai nôk ki ti,” a tia.

JEREMIA 40:9

Gedalia’n a ti pehaia, “Babulon-hai kuta irpe hrangin ite chi hrang zel om mah ti hi chong ki inkung a ni. Hi rama hin omhmun indet unglân, Babulon rama rêng sintho unglân, nin ta hrangin thil tinrêng fel ving a ti.

JOELA 2:28

Kha zoi tika chu hiang hin ni a ta, mi murdi chunga ki’rtha buak ki ta; khanchu nin nâipahai, nin nâinuhaiin ki thu hril an ta, nin putarhaiin irmanga phan an ta, nin ruathartehaiin inlârnahai hmu an ta:

NAMBAR 12:6

Ama’n, “Ki thu hi irngai roi, nin laia deipu nin oma ni’n chu, keima chu an ni kuang inlâr ki ta, an irmang tiang chongpuihai ki ti.

MATHAIA 1:18

Jisua Krista zuang suak lam chu hiang hin a ni, a nu Mari kha Josefa dôngma hual a nia, an omsuam mân Irtha Irthiangin nâi an vongtir ti inhriat a ni tâka.

MATHAIA 2:12

Heroda kuang kîr nôk loi hrangin an irmanga hril an ni sikin, an ram panin lam dang tiang an kîr nôk tâka.

MATHAIA 2:13

An kîr hnungin, irngai ta, Rengpa vântirtôn inkhat Josefa kuang irmangin an lâra, “Thoiin lân, nâite le a nu hruaiin lân, Aigupta rama rot ta ro; nang ki hril nôk mâka chu kha khan om mai ro, Heroda’n nâite hi thatpai tumin a izong hrang a ni,” a tia.

MATHAIA 2:19

Heroda a thi zoiin, Aigupta rama khan Josefa’n a’rmangin Rengpa Vântirtôn a hmua,

MATHAIA 2:22

Khannisianlân, Arkelausa chu a pa Heroda irthûlin Judai rama an lal ti an hriatin chu khataka fe kha a chia, a’rmanga inhriattir a ini angin Galili ram tiang a fe tâka.

MATHAIA 27:19

Khan Pilata kha roirêl hmuna a toi laiin, a dôngma’n, “Kha mi fel chunga khan ite tho no roh, zânin ki’rmangin ama sikin ki ituang ok kêng,” tiin he a bêa.

MATHAIA 28:5

Vântîrtôn khan nupanghai kuang, “Nangni chu chi no roi, Jisua an ihêmbetu kha nin izong a nih ti kin hriat.

LUKA 1:19

Vântîrtôn khan, “Kei hi Pathian makunga ngîr ngai Gabriela ki ni, nang chongpui hrang le kha thu raifânom tak kha hril hranga itîr ki ni.

LUKA 2:4

Josefa khom Davida in sûngkua le a’rchia mi a ni sikin, a dôngma hual Mari inrâi chum te tem leh khan Galili ram Nazaret ata Judai rama, Davida suakna Bethlehem khuaa irhming irziak hrangin an fea.

TÎRTÔNHAI SINTHO 5:19

Khannisianlân, zâna Rengpa itîr vântîrtôn inkhatin intângna in mikot kha a hong inhonga, a hruai suakhaia, an kuang,

THUPHUANG 19:7

Râifân le lôm takin a roiinpuina chôiindôm ei ti! Belrate dôngma nei zoro a ni ta, a moi khom ar siam zoi ta.

ROIRÊLTUHAI 13:3

Nupangnu kuang Rengpa vântîrtôn a zuang inlâra, “Irngai ta, nâi nei thei loia ni iching hi, atûn chu inrâi ni ta, nâipasal nei ni ti.