MARKA 9:23 - PATHIAN LEKHABU IRTHIANG C.L. Bible (BSI)

²³ Jisua’n a kuang, “Ni theiin chu, mo ni iti! A iamhai ta hrangin chu itinrêng hi tho thei a ni, ti hi ni inhriat loi ma ni?” a tia.

MARKA 9:23 ပူးပေါင်းရင်းမြစ်များ

2 THURCHI SUINA 20:20

Zînga chu mihaiin Tekoa khua kôl ram irchêpna tiang an pan hrang a nia, an suak hranga khan Jehosafata’n an kuang, “Juda le Jerusalem ruathartehaio, Rengpa nin Pathian chu song unglân, ngîrsuak thei nin ti. A deipu thuhril kha iam unglân, hlochuk nin ti,” a tia.

MATHAIA 14:29

Jisua’n, “Hong roh!” tiin a sâma. Khanchu, Petera kha irkuang ata a suaka, Jisua tiang panin tui chunga ke’n a fe tâka.

MATHAIA 17:20

Jisua’n an kuang, “Nin iamna tôm sika a ni. Thudik nangni ki hril, iamna ancham ru dôr nin neiin chu hi tâng hi, ‘Hitak ata, so son irson roh ti nin ta,’ irson a ti. Tho thei loi zel nei no chin ni,” a tia.

MARKA 11:23

A diktakin nangni ki hril, tukhom hi Oliv tâng hi irsonin lân, so tuikhangliana zu irpai roh, ti sianlân, lungrîla lunghla viat loiin a ihril kha tung ngêt a ti, iamtuhai ka chu an ihril ang takin hmu an ti.

MARKA 9:22

Ramilhli’n voi iza meia le tuia namthâkin that hrang a tuma, khasikin, nangin ni thei paiin chu lung nin khamin lân, ni san roh, tiin a ngêna.

MARKA 9:24

Khanchu nâipangte pa kha khêkin, “Ki iam, ki iam thei ualna hrangin ni san roh,” a tia.

LUKA 17:6

Rengpa khan, “Ancham ru malkhat dôr iamna nei unglân chu, hi thingtheimu kung kuanga hin ‘Irphôiin lân, tuikhangliana irson roh,’ ti nin ta, nin thu zôm a ti,” tiin a sâma.

JOHANA 11:40

Jisua’n a kuang, “Ni iamin chu Pathian roiinpuizia hmu ni ti, nang ti ma ung mo?” a tia.

TÎRTÔNHAI SINTHO 14:9

Kha pa khan Paula thu’nsîr kha a’rngaia, Paula’n a en chiana, damna hrangin iamna a nei ti an hriatin,

HEBRAI toc2 HEBRAI 11:6

Iamna boiin chu tûte’n Pathian inlôm thei ngai mah. Iamna nei taka Pathian kuanga hong murdi’n chu ama chu a oma, ama zonghai kuang lômman a pêk ngai iti a iam ngêt hrang a ni.