MARKA 8:31 - PATHIAN LEKHABU IRTHIANG C.L. Bible (BSI)

³¹ Khan, a irchutirhai kuang, “Mihriam Nâipa’n intakna tamtak a ituang ngêt hrang thu hai, upahai, Ochai inlalhai le Dân irchutirtuhaiin an ihnôl hrang thu hai, an ithat ngêt hrang thu hai, sûn thum hnunga a ithoinôk ngêt hrang thu hai,” ar chutir irphut tâka.

MARKA 8:31 ပူးပေါင်းရင်းမြစ်များ

TÎRTÔNHAI SINTHO 7:35

“Kha Mosia ‘hruaitu le roirêltua tu mo nang siam’ tia an isêl kha chînribuka vântîrtôn an laia inlârtu khan a changpuia, Pathianin ama ngei kha hruaitu le sansuaktu ni hrangin a itîr a ni.

JOHANA 2:19

Jisua’n, “Hi Tempil hi set unglân, sûn thum sûngin indingtir nôk ki ti,” a tia.

LUKA 24:26

Krista’n kha thil kha tuangin a roiinpuinaa a lût hrang mo ni ma?” a tia.

LUKA 17:25

Khannisian, atûnlai mihai hin la hnôl an ta, thil tamtak a ituang masa hrang a ni.

MARKA 12:10

Hi Pathian thu hi nin itep loi ma ni? ‘In sinhaiin lung an ipai, hmanghmunboia an ibe kha. A kila lung kâmom tak a hong ni ta.

MATHAIA 21:42

Jisua’n an kuang, Pathian lekha thu’n, ‘In sintuhaiin lung an ipai, hmang hmunboia an ibe kha, A kila lung poimo tak a hong chang ta. Ama kha Rengpa itho a ni; Ei mit hmua hin a irkhêl a ni!’ a iti hi nin itep ngai loi ma ni?

MATHAIA 12:40

Jona chu sûn thum le zân thum ngapui sûnga a iom ang khan Mihriam Nâipa hi sûn thum le zân thum irnêng sûnga a iom hrang a ni.

HOSEA 6:2

Sûn hni tena nin hringtir a ta; sûn thum nia ni kaithoi a ta, a makunga om ei ti.

1 KORINTH 15:4

phûmin a oma, Pathian Lekha thu angin sûn thum nia kaithoi a ni;

LUKA 24:44

Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

JONA 1:17

Khan, Rengpa khan Jona inlem hrangin nga lian tak a lei inkung tâka; kha nga sûnga khan Jona kha sûn thum le zân thum a oma.

ISAIA 53:3

Ennuam om loitak, mihai ihnôl, mihriam chuk loi, natna tuang chuan chuan, dam nî nei loi, Mi tin imâksan, ennuam loitak, ite bêa ei ibe loi chu a ni.

INPÂKNA HLAHAI 118:22

In sinhai lung indit loi kha a kila lung poimo tak a hong ni ta.

1 SAMUELA 10:19

Khannisian a vuan nin milung inzîngnahai le nin dengtheinahai ata nangni inzôkpu nin Pathian kha indit mak chêia, a kuang rêng ni siam pe roh nin tia,’ tiin. Khasikin, atûn ar chi le a panamin Rengpa makunga hong inlang roi,” a tia.

1 SAMUELA 8:7

Rengpa khan Samuela kuang, “Mipuihaiin ni kuanga an iti hi irngai ro; nangma nang an indit loi ni maka, an chunga rêng chang hrangin keima hi an ni indit loi a ni.

JOHANA 12:48

Tukhom ni hnôla ki thu pom nuam loi chu a chungthu rêl pe hrang inkhat a nei. Ki thu’nsîr ngei kha, zoro hnungkhôna chu a chungthu rêl petu la ni a ti.

MATHAIA 27:63

a kuang, “Ka pu, kha milakpa khan a hring laiin sûn thum hnungin chu thoinôk ki ti,” a iti kin inhriat.