MARKA 8:2 - PATHIAN LEKHABU IRTHIANG C.L. Bible (BSI)

² “Mipuihai hi ki kuang sûn thum bang an om tâka, ite fa hrang an nei ta no sikin lungkham an om bâka.

MARKA 8:2 ပူးပေါင်းရင်းမြစ်များ

1 RÊNGHAI 19:6

Khanchu a hei en vêla, a luthuna khan baitiam le tuiûm hi a lei oma. Khanchu a fâka, a ina, a zâl nôk tâka.

INPÂKNA HLAHAI 103:13

Pa’n a nâihai lung a inkham angin, Rengpa khan ama chituhai kha lung an kham ngai.

INPÂKNA HLAHAI 145:15

Ni thilsiam murdi mithai khan nang an thîr maia, Nangma’n a zoro taka an fâk hrang ni pêk ngai.

INPÂKNA HLAHAI 145:8

Rengpa chu mi lunginkham thei, satnaa sip, Lung ir-ial, lungkham lianna nei a ni.

MIKA 7:19

Irhei kîr nôk a ta, ei chunga lungkhamna nei a ti; ei pualoinahai kha a ke hnuaia sirpha a ti: nangin an sualna murdihai kha tuikhanglian mong inthûk takhaia khan pai lût ni ti.

MATHAIA 14:14

Jisua irkuang ata vakama a suakin chu mipuihai kha a hmu’n chu a sân lung an khamhaia, damloihai an damhaia.

MATHAIA 20:34

Jisua khan lung an khamhai tak taka, an mit a tôna, khanchu, an hmu thei zôia, ama kha an zui tâka.

MATHAIA 9:36

Mipuihai kha a hmu’n chu enkoltu neiloi belrahai angin dengthei le inthekindara an om sikin, lung an khamhai tak taka.

MARKA 1:41

Jisua’n a saterengin lung an khama, a hong inbana a tôna, “Ki nuam e, hong irthiang ta ni ti,” a tia.

MARKA 5:19

Khannisian, Jisua’n phal mah, phal nêkin a kuang, “Ni in mihai kuang fe’n lân, Rengpa’n ni chunga sin nang a itho pezia le lung nang a inkhamzia kha va hril roh,” a ti pea.

MARKA 6:32

Khanchu, fianrial panin irkuanga an fe ta.

MARKA 6:34

Jisua kha irkuang ata a chumin chu mipui tamtak a hmua, enkolpu nei loi belra ang an ni sikin lung an khamhai tak taka, sathnem irngai takin ar chutirhai tâka.

MARKA 8:3

Phîngchâma in tiang kin fetirhai lakin lam laia châmsôl irveina an ta, senkhat len vâng chu an hongna a sân a hla pehai sikin,” a tia.

MARKA 9:22

Ramilhli’n voi iza meia le tuia namthâkin that hrang a tuma, khasikin, nangin ni thei paiin chu lung nin khamin lân, ni san roh, tiin a ngêna.

LUKA 15:20

“Khanchu a thoia, a pa kuang a fe tâka. Hla taka a la om laiin a pa khan a lei hmua, lung an kham tak taka, a van tâna, a poma, a tum pôt pôta.

LUKA 7:13

Khan, Rengpa’n a hmu’n chu, kha nu kha lung an kham tak taka, “Chap ta no roh,” a tia.

HEBRAI toc2 HEBRAI 2:17

Khasika khan Pathian sin a thôna khan mihriamhai Ochai Inlaltak, iamom le lungkhamnaa sip a hong nia, an sualhai ngaidam a ni theina hrangin lam tinrênga a urênghai angin a inang pial a ni.

HEBRAI toc2 HEBRAI 4:15

Ochai Inlaltak ei hrât nonahai le inhre phâkpui theiloi mi nei mak mea, eini anga lam tinrênga thêmna tong tâk, khannisian, sual chu sual loi kêng ei ini.

HEBRAI toc2 HEBRAI 5:2

Khahai khom kha lam tamtak ata an hrât nona sikin, ite inhre loihai le an sualhai chunga khan an indîn thei ngai.