MARKA 6:30 - PATHIAN LEKHABU IRTHIANG C.L. Bible (BSI)

³⁰ Tirtônhai kha Jisua kuang an hong kîr nôka, an sintho murdi le an irchuhai murdi Jisua an hrila.

MARKA 6:30 ပူးပေါင်းရင်းမြစ်များ

LUKA 9:10

Khan, tirtônhai an hong kîr nôkin chu an sinthohai Jisua kuang an hrila. Khan, a kuang a hruaihaia, Bethsaida khuaa an bingin a fe puihaia.

MATHAIA 10:2

Tirtôn sômhleihnihai irhming chu hihai hi an ni; a masa taka Simon (Petera an iti) le a sangpa Andria; Zebedaia nâipa Jakoba le a sangpa Johana;

LUKA 22:14

Khan, a fâk zoro’n chu ama le a irchutirhai khan khalâi kha an ot tâka.

LUKA 17:5

Tirtônhaiiin Rengpa kuang khan, “Kin iamna nin det pe roh,” an tia,

LUKA 10:17

Khan, sômsari inhnihai kha raifân takin an hong kîra, “Rengpa, nir hmingin ramilhlihai tenin kin thu an zôm,” an tia.

TÎRTÔNHAI SINTHO 1:26

An inhnia chunga khan tâ an sâna, an tasân chu Mathia chunga a chuma, Mathia kha tîrtôn sômhleihnihai laia khan tep sa a ni ta.

LUKA 24:10

Kha thu, tirtônhai hong hrilpuhai chu, Magdala mi Mari, Joani, Jakoba nu Mari hai le an laia fe sa nupang senkhathai an ni.

LUKA 6:13

Khua a hong vârin chu a irchutirhai kha a koihaia, an lai ata sômhleihni an thanga, an irhminga Tirtôn a phuahaia.

MARKA 3:14

A kuanga om theina hrangin le thuhril hranga a tîr suak theina hrangin.

MARKA 6:29

Kha kha a irchutirhaiin an inhriatin chu an va fea, a ruak kha an tuama, thâna an phûm ta.

IRPHUTNA 24:66

Khan siahlopa khan a va itong murdi chu Isaka kha a hrila;