MARKA 4:19 - PATHIAN LEKHABU IRTHIANG C.L. Bible (BSI)

¹⁹ khannisian, rammual intakna hai, irchon irzukna hai, irzukna dang danghai, a hong lûta, thu kha a hong dîp irhmanga, a ira ta ngai loi a ni.

MARKA 4:19 ပူးပေါင်းရင်းမြစ်များ

1 TIMOTHEA toc2 1 TIMOTHEA 6:17

Rammual mi irchonghai kha irsor loi hrangin hrilin lân, sum songloi ruaa irnghat tum loia itinrêng ei ihmang hranga ni pêktu Pathiana irnghat ual hrangin inthor roh.

FILIPI 4:6

Itea khom lunginzîng no roi, i thila khom chongchaiin nin innanghai Pathian kuang intung unglân, lômthu hril pumin ngên roi.

MATHAIA 19:23

Khan, Jisua’n, a irchutirhai kuang, “Thudik nangni ki hril; mi irchonghai hrangin chu irvân Rama lût a intak ok hrang a ni.

JOHANA 15:2

Ki irzompui ôn raloi murdi chu a pai ngaia, a ra murdi chu a’rthial infâi ngaia, a ra tam ualna hrangin.

LUKA 21:34

“Khanchu, nuam le ninga omhai, zu’nrui hai, a nitin om dân ngaituana hai, nin lungrîla a sip nona hrangin irdîn roi.

LUKA 10:41

Rengpa khan a sâma, “Marthi, Marthi, thil tamtak ni ngaituaa ni ibuai kêng.

ISAIA 5:4

Ki insâp nêka tam ki grep irhuana, Imo ki la insâp mai hranga? Grep ra sa hmu ngêt hrangin ki tuma, a dol inzenin a ni ra pea;

ISAIA 5:2

Khur a choia, lung irkhamin, grep sa zât chi a phuna, A laia a enna hrang irpuk a siama, Grep tui sômna hrang khur a choia; A ra irchang a nghâkhmoa, a hong ra’n chu a dol an ni vinga.

2 PETERA toc2 2 PETERA 1:8

Hi nitna hi nin innang a ni, kha kha chu nin neia, a pung maiin chu ei Rengpa Jisua Krista nin inhriatnaa takirtâi tak le poimo takin nangni siam a ti.

2 TIMOTHEA toc2 2 TIMOTHEA 4:10

Dema khan atûnlai rammual a’rngaiinnat sikin Thesalonika khua tiang a ni rotsan ta, Kreskea khom Galatia rama a fe ta, Tita kha Dalmatia rama a fe sa.

THUHRILTU 4:8

Mi inkhat a bing doka om hi a oma, nâi le te khom nei maka, urêng khom nei sa maka, khannisian sin tho maiin a oma, irchon a ineia khan a mit irzukna chu hek thei maka; khante tu ta hrangin mo kha dôra sôla, nunkhonhoina tinrêng a inchân? Hi khom hi chanlamboi a nia, dengthei taka hringnun hmang hi a ni.

JUDA 1:12

Khahai kha lungthungna hruai nin inthê insiattu an ni, inzak loiin an ot sa. Mâni ringot an irngaituaa, sûm rotui pailoi, favâng thing ra loi, voihni thi tâk; a’rzung le ileh inkar zit tâk; a’rhmang zit tâk ang kha an ni.

MATHAIA 3:10

Atûn ata thing bul tina hreipui sia chian a ni ta. I ang thing khom ra saloi chu phûra meia tuapai chian an ti.

THUVÂRHAI 23:5

Sum chu mitha irsiama vuangpat angin mit khapkârin vuangpat a ti; irmu vânlaizôla vuang ngai anga hin.

THUVÂRHAI 23:4

Irchong ringot tuma sôlhai hrangin vâr ro.

MATHAIA 13:22

Fachî ilhling kâra tâk kha thu inhre tâkhai an ni, Khannisian, hi rammual kanna le irchongnahai khan thu kha a dîpa, ra nei ngai mah.

MARKA 4:18

Hloiilhlingnei kâra inthekhai chu hihai hi an ni: Thu chu an inhriata,

ROM KHUAA MIHAI KUANGA TÎRTÔN PAULA LEKHATHON 12:2

Hi rammual om lam ang hin om no unglân, Pathian nuamlam, a sa le lôm inruk le satirkip kha nin inhriat infel theina hrangin, nin lungrîl a thara omin hong danglam ta roi.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

EFESI 6:12

Mihriam râl doi mak meh, inlalna hai le irchamneina hai, hi rammual inthim chunga roirêltuhai le irvân hmuna irtha sual omhai ei idoi ual a ni hi.