MARKA 13:8 - PATHIAN LEKHABU IRTHIANG C.L. Bible (BSI)

⁸ Nam le nam la’rdoi an ta; ram le ram la’rdoi an ti. Hmun tina hnîngnu lan hnîng a ta, châm la tâk a ti. Kha kha nâihase irphut ang kha ni a ti.

MARKA 13:8 ပူးပေါင်းရင်းမြစ်များ

2 THURCHI SUINA 15:6

Nam le nam deng an irthei irhlôma, kho sûng le kho sûng deng an irthei irhlôma. Pathianin buaina le chardongna a intungtir a ni.

INPÂKNA HLAHAI 48:6

Khanchu inthingna’n a dea, Nupang nâihase natna angin a tong tâka.

ISAIA 19:2

Aigupta mihai chu, Aigupta mihai ngêtin indoitirhai ki ta, ulenâi irhuang an ta, urênghai irdoi an ti. Khua le khua bial le bial irdoi an ti.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

ISAIA 37:3

Reng Hezekia’n hiang hin a ti: “A vuan hin kin ta hrangin chardongna nikhua a tung ta, an ni hnuaisiaa, ite bê’n ni bê ta mahai! Nâi nei zoroa nu irzal taka om kin ang ta.

JEREMIA 13:21

Rual sa ni inei ngaihai khan nang an rûna ni chunga roirêl sianlân, imo ni iti ta hrang? Nupang nâi nei ang takin a nâ ni ituang hrang a ni.

JEREMIA 22:23

Lebanon ata nin zuang ichôi sidar ina hoi riamin nin oma; nâiha isê anga natna nin chunga a hong tung tena chu nin inrunga, natinsat hrang tâk chu na!

JEREMIA 25:32

Rengpa’n a iti chu ram inkhat chung ata nam dang chunga vânduaina irkhêl a hong tung thiaia, rua le phâivua kôlkil ata a hong irthok mai a ni.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 49:24

Damaska mipuihai chu irzalin chiin laizâm an tho tâka. Nupang nâiha isê angin na tuang le lungrîl buaiin an iom a ni.

JEREMIA 50:43

Babulon rama rêngin an thurchi a len hriata, a kuthai chu a’rzal zoi tâka. Lungzîngna’n a dea, nupang nâiha isê angin natna khan a chela.

JEREMIA 6:24

Jerusalem mihaiin, “Thuthang kha kin len hriatin chu kin kuthai a kima, nupang nâiha isê angin lungzîngna le natna’n a ni idê tâk a ni.

HAGAIA 2:22

tâlihai le a chunga chuanghai kha irtettir ki ta, sakorhai le a chung chuanghai kha mi tin mâni urênghai khandaiin tûk an ti.

ZAKARIA 14:13

Kha tena chu Rengpa’n a sân inbuaihai a ta, chitna’n sip an ta, mi tinin an kôla mi chu chel seng an ta, doi an ti.

MATHAIA 24:8

Khahai kha nâiha sê ar phut ta tihna a ni.

MARKA 13:7

Khan nâi tenga irdoi irhu mani, hla viata irdoi thurchi mani, nin inhriat tika khom buai no roi, khahai kha chu a hong iom ngêt hrang a ni, khannisian zoro hnungkhôn chu la ni no ni.

MARKA 13:9

“Nangni chu irdîn roi; ichel la ni nin ta, roirêltuhai kuang hruaiin la om nin ti. Sinagoka zêm phiar ni nin ta, anni Thurchi Sa nin insîr pe theina hrangin ki’rhming sikin roirêltuhai le rênghai makunga la ngîr nin ti.

TÎRTÔNHAI SINTHO 11:28

An laia inkhat Agaba chu a ngîra, rammual pumpuia châm irkhêl tak tung a ti, ti Irtha inhriattirin an puanga, kha châm kha Klaudia inlal laiin a tung ta.

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

THUPHUANG 6:4

Sakor dang a sen a hong suaka. A chunga chuangtu kuang khan mihriamhai an irthat irhlômna hrangin irnênga irsualna intung theina thu an pêka, a kuang khandai lian tak an pêk sa.