MARKA 13:3 - PATHIAN LEKHABU IRTHIANG C.L. Bible (BSI)

³ Tempil irdîn, Oliv tânga Jisua a toi laiin Petera, Jakoba, Johana le Andria hai khan inrûkin thu an irdona;

MARKA 13:3 ပူးပေါင်းရင်းမြစ်များ

MATHAIA 13:10

Khan, irchutirhai kha Jisua kuang an honga, “Mipuihai laia thu nin sîrin ithoa mo chongirkhekin ni insîr?” an tia.

MATHAIA 13:36

Jisua’n mipuihai kha a mâksanhaia, in sûnga a lûtin chu a irchutirhai an honga, a kuang, “Loia bu chongirkhek kha imo a omzia nin hril ro,” an tia.

MATHAIA 17:1

Khan, sûn ruk hnunga chu Jisua’n Petera, Jakoba le Johana hai an bingin a hruaihaia, tâng irsâng taka a fe puihaia.

MATHAIA 21:1

Khan, Jisua le a irchutirhai Jerusalem an tung tôn, Oliv tâng Bethfage khuaa an hong tunga. Kha khan Jisua’n a irchutirhai laia mi inhni a tîrhaia,

MATHAIA 24:3

Khan, Jisua’n oliv tânga a toi laiin, a irchutirhaiin a bingin an hong irhmupuia, “Nin hril ta, hihai hi itika mo a itung hrang? Ni zuang nôkna hrang le rammual mongna hrang irsinsiana sinirkhêl kha i imo a iom hrang?” tiin an irdona.

MARKA 10:35

Khan, Zebedaia nâihai Jakoba le Johana’n Jisua an hong nâia, a kuang, “Irchutirtu, ni kuanga kin nghihai hi, ni ni itho pe kin nuam,” an tia.

MARKA 13:4

“Kha kha itika mo a hong iom hrang, khahai murdi hong tung hranga khan irsinsiana thilirkhêl i imo, a hong om hrang? Nin hril ta,” an tia.

MARKA 14:33

Petera, Jakoba le Johana hai kha a hruaia; a saterengin irthanvâiin a milung dûk a tong tâka.

MARKA 4:34

Chongirkhek no’n chu an kuang thu insîr ngai ma, a irchutirhai kuang chu itinrêng a hrilfiah ngai a ni.

MARKA 5:37

Petera, Jakoba le a sangpa Johana hai tih no chu mi dang tukhomin an izui phal ta mah.

MARKA 9:2

Khan, sûn ruk zoia chu Jisua’n, Petera, Jakoba le Johana hai, tâng irsâng taka a fe puihai tâka, an makunga a hmêl omzia kha a hong danglam tâka.