MARKA 13:27 - PATHIAN LEKHABU IRTHIANG C.L. Bible (BSI)

²⁷ Kha tikin chu kôlkung ata kiang tianga kôlkung dêna rammual kil minli sûng ata Pathian mi inthanghai bûm hrangin vântîrtônhai tîr suak a ti.

MARKA 13:27 ပူးပေါင်းရင်းမြစ်များ

ZAKARIA 2:6

Hong roi, hong roi, hmâr ram ata intân suak roi, ti hi Rengpa thu suak a ni. Irvân phâivua ang dênin kin darhtir tâka, ti hi Rengpa thu suak a ni.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

DÂN INHNINA 30:4

Rammual ram hlataka fe pat khom unglân, Rengpa nin Pathian khan nangni hruai khôm nôk a ta, nangni hruai kîr nôk a ti;

2 THESALONIKA toc2 2 THESALONIKA 2:1

Urênghaio, ei Rengpa Jisua Krista zuang nôkna le a kuang ei inkhômna hrang thua khan.

LUKA 16:22

Mi inriang kha a thia, Abrahama kôla toi hrangin vântîrtônhaiin an fepui tâka. Mi irchongpa khom a thia, an phûma.

MARKA 13:20

Rengpa’n kha nikhuahai kha inbong no sian mihriam tûte dam suak no nihai; a mi inthanghai sikin a inbong a ni.

MATHAIA 13:41

Mihriam Nâipa’n vântîrtônhai kha tîr a ta, a Ram ata mi, sual inthotir ngaihai le sualtho ngaihai kha bûm an ta,

1 PETERA toc2 1 PETERA 1:2

Pa Pathian lei inhriat anga inthang, Jisua Krista thu iam hrang le a thina irsu’nfâi hranga Irtha irthiangtir nin nia, nin chunga lungkhamna le irngeina inpungin om ri se.

2 TIMOTHEA toc2 2 TIMOTHEA 2:10

Krista Jisuaa om, saninhringna kha, kumtuang roiinpuina le an dong theina hrangin irtanhai sikin, hihai murdi hi ki ituang a ni.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

ROM KHUAA MIHAI KUANGA TÎRTÔN PAULA LEKHATHON 8:33

Pathian mi inthanghai chu tu’n mo hnôl ngam hrang? Pathian chu thiam inchangtirtu a nia.

JOHANA 11:52

An nam irthûl vai khom ni loiin Pathian nâi rammuala indarhai pâl khata a hruaikhôm nôkna hrang khom a insîr a ni.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

LUKA 18:7

Pathianin a mi inthang, sûn zâna ama insamtuhai thu kha Pathianin a iset infel pe lat loi hrang ma ni? A ir-ial hrang ma ni?

MARKA 13:22

Krista dol le deipu dol an la suak hrang sikin, Pathian mi irthianghai ten khom an theiin chu an huang theina hrangin sin irkhêlhai le thilirkhêlhai khom tho an ti.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

MATHAIA 24:22

Khannisianlân, Pathianin kha sûnhai kha an bong ta ni no len vâng sian chu tûte hringin suak no nihai. A mi inthanghai sikin Pathianin kha sûnhai kha inbong a ti.

MATHAIA 13:49

Rammual mong tika chu khaang khan la om a ti, vântîrtônhai chu zuang suak an ta, mi felhai laia irthokin mi sualhai kha bûm an ta,

MATHAIA 12:42

Roirêl Nia chu Seba rêngnu kha ngîr a ta, atûnlai mihai leh hin thoi a ta, thiamno inchangtir a ti; rêng Solomona vârna irngaitua hrang luan kôlkung ata a honga; irngai u ta, Solomona nêka roiinpui ual hin a iom kêng!

ISAIA 65:9

Jakoba le Juda irchia irthokin ki tâng irthiang lua hrang mi inkunghai ki ta, ki tânghai chu lua an ti. Khatak khan ki siahlohai om mai ta an ti.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

MARKA 13:28

“Khanchu, theipui kung om lam ata irchu roi, a ôn a hong irnoia, a hna a hong incherin chu kholum anâi tah ti nin inhriat ngai.