MARKA 13:24 - PATHIAN LEKHABU IRTHIANG C.L. Bible (BSI)

²⁴ “Kha intakna zoro a theng zoi hnunga nikhuahaia khan chu misa hong inthim a ta, tha khom vâr ta no ni.

MARKA 13:24 ပူးပေါင်းရင်းမြစ်များ

ISAIA 13:10

Irvâna ârsi le sikhovârhai khi, an vârna tôm a ta, misa suak khom inthim a ta, tha khom vâr ta no ni.

2 PETERA toc2 2 PETERA 3:10

Rengpa Nikhua chu inru angin a zuang itung ngêt hrang a ni. Kha tika chu irhai inring tak le irvân khi kâng irhmang zit a ta; irnêng le a sûnga thil om murdi khom irhmang zit a ti.

AMOSA 5:20

Rengpa nikhua kha vâr ni loiin inthim a ini loi hrang ma ni? Inthim irsa le vâr rêng rêng khom nei loiin?

JOELA 3:15

Misa le thahai an inthima, ârsihaiin an vârna an thupa.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

2 PETERA toc2 2 PETERA 3:12

Pathian sûn tep nghâkhmo taka nin thîr mai lai hin mi irthiang, Pathian ta hranga irpêk mi nin ini hrang a ni. Kha tika chu irvân khi kâng irhmang a ta, a lum sikin ârsihai khom zôi zit an ti.

JOELA 2:10

An makunga irnêng an thinga; irvânhai an hnînga; misa le tha an thima, ârsihaiin an vâr an thupa:

DANIELA 12:1

“Kha irzoi tena chu ni mipui nâihai san ngaitu, hruaitu roiinpuitak Mikaela kha ngîr a ta; buaina zoro, nam om phut ata, kha ni tena la om ngai loi kha, hong om a ta: kha nî tena chu ni mihai kha sansuakin om an ta, mi tin lekhabua irhming chuang murdihai chu.

DANIELA 7:10

Khatak ata kha mei a hong chok suaka, a sânga sângin a sin an thoa, a makunga khan a sîng a sîng têlin an ngîra, roirêlna kha a phut tâka, lekhabuhai a phên tâka.

EZEKIELA 32:7

Khan, nang kin boipai tena chu, irvân chu inkhumpai ki ta, ârsihai khom inthimtir ki ti. Misa chu sûmin irkhum a ta, tha khomin a vâr insua thei no ni.

JEREMIA 4:28

Khasika khan irnêng chu ngûi ruaiin om a ta, irvân khom a inthim khap hrang a ni. Rengpa iti lam tak ni ta a ti, a milung inchong thûl ta no nia, thu mongna chu a siam zoi tâka, irlêktir ta no ni.

MARKA 13:23

Nangni chu irdîn roi! A zoro a tung mân itinrêng nangni ki lei hril diam ta a ni.