Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.
Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.
Nin kuang Thurchi Sa a hong tunga Pathian lungkhamna kha nin inhriat infel nî ata thil om dân ang khan rammual ram tina Thurchi Sa khan ra a suakin a indarh ta a ni.
Khante, an mikuarin an inhriat ngailoi tak tak ma ni? Inhriat e: “An irhâi chu ram tina an thanga, An thu chu kôlkung dênin an thang suak ta,” ti a ni.
Irsinsiana le sinirkhêlhai, Irtha Irthiang sinthotheinaa khan a ni hmang a ni, khasika khan Jerusalem khua le a kôlvêl rama irthokin Illurikon dênin, Krista Thurchi Sa chu hmun tina ki hril irkip tâka.
Roirêlna Nikhuaa chu Ninevi khuaa mihai kha ngîr an ta, thiamno nangni inchang an ti; anni chu Jona thu insîr an inhriata, an sualhai ata an irlet tâk sikin; nangni ki hril, Jona nêka lian ual hin a om.