MARKA 12:6 - PATHIAN LEKHABU IRTHIANG C.L. Bible (BSI)

⁶ Inkhat a nâi lungthungtak a la neia; ‘Ki nâipa hi chu mahrip lei tho ngêt an ti,’ tiin a nâipa kha a hnungkhôn taka a tîr tâka.

MARKA 12:6 ပူးပေါင်းရင်းမြစ်များ

IRPHUTNA 22:12

Khan Pathianin, “Nâipang chunga khan ni kut insum no’n lân, ite tôn viat no ro: ni nâi neisun khom pêk hrangin nin hroi ta no sikin, Pathian ni chi ti kin hriat ta,” a tia.

IRPHUTNA 22:2

Khan ama’n, “Ni nâi, ni nâikhât neisun, ni inrentak Isaka kha hruaiin lân, Moria rama khan fe ro, kha hmuna nang ki ihril hrang tâng inkhata khan hâlirvôm thilinhlan ro,” a tia.

IRPHUTNA 37:3

Khan a pa Israela’n Josefa chu a tar hnunga nâi a ni sikin a nâi danghai nêkin an ren uala: songkol khom satak takin an sui pea.

IRPHUTNA 44:20

Ka pu keini’n chu ni kuanga khan, o kin pa chu tar tak a ni tâka, a tar hnunga nâi, nâipangte kin neia, ama chungapu chu a thia, a nu inkhat le nâi chu ama vai kêng a ni ta, a pa khan ama chu an hlu dor dor a ni: kin tia.

INPÂKNA HLAHAI 2:12

Irlô inthing pumin a makunga kûn roi, khano’nchu, a ninginmur a ta, voikhat rengin lam laia nin irhmang itinin. Ama chunga an iamna irnghattu murdi chu an vân a sa.

INPÂKNA HLAHAI 2:7

Reng khan, “Rengpa thuphuang chu hril ki ti,” a tia. Ama khan ki kuang, “Nang chu ki nâipa ni ni; A vuan hin nang ki inei tâk a ni.

ISAIA 42:1

En ro, ki siahlo nang ki chel mai, ki indittak kin thang a ni; a chunga ki’rtha kin sipa, nam tinrênghai chunga diktakin roirêl a ta,

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

MATHAIA 17:5

A la chonglai takin, sûm vâr takin anni chu a’rhlîkhuhaia, sûm ata hnuk irhaiin, “Hi hi ki Nâipa, lungthungtak, ki ilôm tak tak chu a ni; ama thu irngai roi,” a tia.

MATHAIA 26:63

Jisua kha a dâihreka, Ochai inlaltak khan, “Pathian hring irhmingin nang ki ti; Krista, Pathian Nâipa chu ni ni lele mo ni hril roh,” a tia.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

MARKA 1:11

Irvân ata kha hnuk irhai kha a zuang suaka. “Nang, ki Nâipa, ki lungthung tak ni ni; ni chunga ki lôm tak tak,” a zuang tia.

MARKA 12:5

Ama khan suak dang a tîr nôka; kha pa kha chu an lei that ta. Suak tamtak khom senkhat an lei vîkhaia senkhat an lei thathai.

MARKA 12:7

Khannisianlân, irhuan enkoltuhai khan, ‘Hi pa hi irchon lua hrangtu chu a ni, tho that ei ti, ar chon lua hrang hi ei lua theina hrangin,’ an irtia.

MARKA 9:7

Khan, sûm zuang zîngin, a’rhlîhaia; sûm ata kha hnuk irhai a zuang suaka, “Ama hi ki Nâipa lungthung tak a ni, a chong irngai roi,” a tia.

LUKA 3:22

Irtha Irthiang chu taksa irputin a chunga vasu angin a zuang chuma, irvân ata hnuk irhai a zuang suaka, “Ki Nâi lungthung tak ni ni; ni chunga ki lôm tak tak,” a zuang tia.

LUKA 9:35

Sûm ata kha hnuk irhai a zuang suaka, “Ama hi ki Nâipa, ki inthang chu a ni; Ama thu hi irngai roi,” tiin.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

JOHANA 1:18

Tukhomin Pathian hmu ngai mahai; Pa Nâipa nei sun, a rôpsuama om khan, a thurchi an hriattir ta a ni.

JOHANA 1:34

Johana’n, “Kha kha ki hmu tâka, hi mi hi Pathian Nâipa a nih ti nangni kin hriattir a ni,” tiin.

JOHANA 1:49

Nathanaela’n, “Rabbi, Pathian Nâipa ni ni. Israelhai rêng inlaltak ni ni kêng,” tiin a sâma.

JOHANA 3:35

Pa’n Nâipa lung a thunga, a kuta itinrêng a sia ta.

JOHANA 5:23

mi murdi’n Pa an imahrip angin Nâipa khom mahrip an ti. Tukhom Nâipa mahrip loi chu ama tîrtu Pa khom an imahrip loi a ni.

HEBRAI toc2 HEBRAI 1:6

Kha nêkin, Pathianin a Nâi lutîr kha rammuala a zuang tîr hrang laiin, “Pathian vântîrtôn murdihaiin Ama chubai an imûk ngêt hrang a ni,” a iti ual a ni.

1 JOHANA 4:9

Pathian lungthungna chu hi ang hin ei kuang a zuang inlang, ama zâra hringna ei nei theina hrangin Pathianin a Nâipa neisun rammuala a zuang tîra hin a ni.

3 JOHANA 1:1

Upa khan, a sâma ki lungthung Gaia, chubai nang ki mûk.