MARKA 12:14 - PATHIAN LEKHABU IRTHIANG C.L. Bible (BSI)

¹⁴ A kuang an hong tungin chu, “Irchutirtu, mi dik tak ni nia, tukhom ngaisak bîk nei mak che ti kin inhriata, tukhom hnôl ual loiin thei dôrin Pathian thu mi nir chuhai ngaia, khan, Kaisara kuanga khâzana chôi hi mo a’rthiang, irthiang ma mo? kin ipêk hrang mo, kin ipêk loi hrang mo?” an tia.

MARKA 12:14 ပူးပေါင်းရင်းမြစ်များ

1 THESALONIKA 2:4

Thurchi Sa inkoltir inruka Pathianin a ni inkung ang dênin, mihriam inlôm hrang ni loiin ei lungrîl fiatu Pathian inlôm hrangin thu kin ihril ngai a ni.

GALATIA 2:6

Hruaitu poimo nia inlanghai, an ni tak tak le ni loi, ki ta hrangin danglam ual mah, Pathianin pên tiang inlang dân vai ngaisâng ma, hihai luan insîr hrang ite nei mahai.

GALATIA 1:10

Khante! mihriam inlômtir mo ki itum Pathian inlômtir mo? Mihriam lôm lam insîr tumin ki ihong ma ni? Mihriam inlômtir tum ni inlân Krista suak ni no ning.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

2 KORINTH 5:11

Rengpa chi lam kin hriata, mi kin inthêm ngai a ni. Pathianin a nin hriat infel zit, nangni khomin nin lungrîlin nin hriat infel sa nin ti ki tûng.

2 KORINTH 2:17

Mi tamtak chu Pathian thu hi irvaina hmang an iom ang khan, keini chu hmang ma ung. Pathianin a ni tîrna sikin Krista zuituhai ang khan Pathian mit hmua dik takin kin ichong a ni.

2 KORINTH 2:2

Irngaiinsiat nangni sak inlân, tu’n mo raifân ni sak hranga? Ngaisiat ki sakhai ti no chu tûte om mah.

JOHANA 7:18

Tukhom mâni iphuachôpa thu insîrtu chu mâni roiinpuina a izong a ni. Khannisian a tîrtu roiinpuina zongtu chu iam a oma, amaa dik loina rêng rêng om mah.

ROM KHUAA MIHAI KUANGA TÎRTÔN PAULA LEKHATHON 13:6

Khaang khan a ni sikin khâzana khom nin chôi ngai; irchamneituhaiin an sin sataka an tho’n chu Pathian sin an itho a ni.

LUKA 23:2

“Hi mi hin ei mipuihai tehel zong hrangin an thorhaia, Kaisara kuang khâzana chôi a khapa, ama hi Rêng, Krista chu, ar ti, ti khom kin inhriat suak a ni,” tiin an hnôla.

LUKA 20:22

Kaisara kuang khâzana kin ichôi hrang mo, chôi loi hrang mo? nin hril roh,” tiin an irdona.

MARKA 14:45

Khan, Juda kha a hong tung le chu Jisua kha a va pan pata, “Irchutirtu,” tiin a biang a tuma.

MATHAIA 22:17

Khante, itin mo nir ngai, ni hril ta? Kaisara kuanga khâzana chôi mo a’rthiang, irthiang ma mo?” an tia.

MIKA 3:8

Khannisianlân Jakoba-hai kuang an tho’nsualna inhriattir hrang le Israelhai kuang an sualna inhriattir hrangin Rengpa irtha sika thilthotheinahai roirêlnahai le hrâtnahai khan ki isip tâk a ni.

JEREMIA 42:20

Thipui thei rak hranga sualna lian nin itho a ni ta. Nin ta hrangin Rengpa ei Pathian kuang chongchai hrangin chong nin inkung a ni.

INPÂKNA HLAHAI 120:2

O Rengpa, mi minlakhai le mi huangsiahai ata kha, Ki hringna hi inzôk roh.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

NEHEMIA 9:37

Kin sual sikin kin chunga rêng hrang ni indanghai lakin an irchongpuia: kin taksa le kin sa chunga khom anni thu tak a ni tâka, kin ikamang zoi a ni ta.

2 THURCHI SUINA 19:7

Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.

2 THURCHI SUINA 18:13

Mikaia’n, “Rengpa mihring irhming sâmin ki hril, ki Pathianin hril hranga a ni inhril chu ti ki ti,” tiin a sâma.

DÂN INHNINA 16:19

Dik takin roirêl an ta, thiarthâk an inei hrang ni ma, fâkinrûkna hin mi vârhai mit an chotir ngaia, mi dikhai chungthu khom dik loi takin a rêl ngai.

2 KORINTH 4:1

Pathianin a lungkhamna’n hi sin hi tho hrangin a ni pêka, khasikin kin zâmirzaltir ma ung.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

MARKA 12:13

Khan, a thu’nsîra irthokin chel hrangin Farisai senkhathai le Heroda pâla mi senkhat a kuang an tîra.

MARKA 12:15

Khannisian, Jisua’n an vârirletzia kha an hriat chiana, an kuang, “Itho mo nin ni ifia? Aduli pum inkhat hong chôi u ta, lei en rong,” a tia.