MARKA 11:23 - PATHIAN LEKHABU IRTHIANG C.L. Bible (BSI)

²³ A diktakin nangni ki hril, tukhom hi Oliv tâng hi irsonin lân, so tuikhangliana zu irpai roh, ti sianlân, lungrîla lunghla viat loiin a ihril kha tung ngêt a ti, iamtuhai ka chu an ihril ang takin hmu an ti.

MARKA 11:23 ပူးပေါင်းရင်းမြစ်များ

INPÂKNA HLAHAI 37:4

Rengpa chunga khan lôm sa roh; Khanchu ni milung nuamlamhai kha nang pe a ti.

MATHAIA 14:13

Khan, Jisua’n Johana thurchi a len hriatin, khataka irthokin a suaka, irkuangin a bing dokin hmun fianriala a fea. Mipuihaiin an inhriattin chu an khuahai ata kea fein an zui tâka.

MATHAIA 17:20

Jisua’n an kuang, “Nin iamna tôm sika a ni. Thudik nangni ki hril, iamna ancham ru dôr nin neiin chu hi tâng hi, ‘Hitak ata, so son irson roh ti nin ta,’ irson a ti. Tho thei loi zel nei no chin ni,” a tia.

MATHAIA 21:21

Jisua’n an kuang, “Thudik nangni ki hril, lunghlâna nei viat loiin iamna nin neiin chu hi theipui kung chunga ki itho ang hin tho thei nin ti. Kha vai kha ni loiin hi tâng kuang khom, ‘Irthonin lân, tuikhangliana zu irpai roh’ ti unglân zu irpai a ti.

LUKA 17:6

Rengpa khan, “Ancham ru malkhat dôr iamna nei unglân chu, hi thingtheimu kung kuanga hin ‘Irphôiin lân, tuikhangliana irson roh,’ ti nin ta, nin thu zôm a ti,” tiin a sâma.

JOHANA 14:13

Ki’rhmingin i khom nin izong ka chu tho thiai ki ti; Pa kha Nâipa sika chôiindôm a ni theina hrangin.

JOHANA 15:7

Keimaa nin om maia, ki thu nangnia a om maiin chu nin inuam murdi zong unglân, hmu thiai nin ti.

1 KORINTH 13:2

Khabana, thu’nsîr theina neiin, thu’rthup murdi inhriattheina le inhriatna murdi nei khom inlân, lungthungna ki nei no’n chu ite ni no ning.