MARKA 10:32 - PATHIAN LEKHABU IRTHIANG C.L. Bible (BSI)

³² Khan, Jisua le a irchutirhai kha Jerusalem hong fe hrangin lampuia an oma, Jisua chu maton an saa. A irchutirhaiin ar khêl an ti oka, a zuipu murdi’n chu an chia. Khan a irchutirhai kha an bingin a hruaihai nôka, a chunga thil la hong tung hranghai an sîr pehai nôka, an kuang,

MARKA 10:32 ပူးပေါင်းရင်းမြစ်များ

ZAKARIA 3:8

Atûn irngai ta, O Josua ochai inlaltak: Nang le ni rualhai ni makunga toihai leh irngai roi, thil sa hong tung lei entîrna an nia: irngai roi, ki siahlo incher irnôi kha ki hong insua hrang a ni.

MATHAIA 11:25

Kha laia khan Jisua’n “Ka Pa, irvân le irnêng Rengpa! Mi vâr, mi thiamhai laia ni iip kha mi inmôlhai laia nin puang sikin, lômthu kin sîr a ni.

MATHAIA 13:11

Jisua’n an kuang, “Irvân Ram thurîl inhriat theina nin kuang pêk a ni a, mi danghai kuang chu pêk ni ma,

MARKA 1:27

An rêngin a’rkhêl an ti tak taka, “Hi hi imo a ini ngai tâk? irchuna thar a ni hi te; ramilhlihai khom irchamnei takin thu a pêka, an izôm hi,” an irti irhlôma.

MARKA 4:34

Chongirkhek no’n chu an kuang thu insîr ngai ma, a irchutirhai kuang chu itinrêng a hrilfiah ngai a ni.

LUKA 10:23

Khan, Jisua’n irchutirhai tiang a’rheia, inrûkin, “Hihai nin ihmu hi nin râlvân a sa.

LUKA 19:28

Kha thu kha an sîr zoiin chu Jerusalem panin maton an sa tâka.

LUKA 9:51

Jisua, irvân a kâi hrang nî a hong nâiin chu, Jerusalema fe ngêt hrangin milung an chonga.

JOHANA 11:16

Thoma, (Phîra) an iti chu a irchutir chanpuihai kuang, “Tho Irchutirtu kuanga ei rêngin fe ei ta, a thinaa va thi sa hrangin fe ei ti,” a tia.

JOHANA 11:8

A irchutirhaiin “Irchutirtu, Judahaiin lunga nang dêng an tum chak kha; khan khomin fe nôk ni itum mo?” an tia.