MARKA 10:30 - PATHIAN LEKHABU IRTHIANG C.L. Bible (BSI)

³⁰ hi dam sûng renga hin in mani, urênghai mani, farhai mani, nu mani, pa mani, nâihai mani, ramhai mani, a bâk irza’n hmu an ta, dengintheina le, zoro la hong hranga kumtuang hringna hmu sa a ti.

MARKA 10:30 ပူးပေါင်းရင်းမြစ်များ

FILIPI 3:8

Kha vai kha ni mah, ki Rengpa Jisua Krista inhriat hi a sân a hlua, itinrêng hi inchânna ki bê tâka, Krista kha ki nei theina hrang le ama leh pumkhat kin ni theina hrangin, ama sikin itinrêng kin chân tâka.

LUKA 18:30

a nêka tam ual, atûna hring sûng le zoro la hong tung hranga kumtuang hringna le ileh hmu ngêt a ti,” a tia.

2 KORINTH 6:10

Lungdûk irsak ni khom unglân, ki lôm mai; inriang kin ang, khannisian, mi tamtak kin irchong; ite neiloi kin ang, khan khoma thil tinrêng kin nei zit.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

MALAKIA 3:10

Ki ina fâk hrang a om theina hrangin sôma inkhat murdi kha tholôm bôma hong chôi roi, irvân tukverhai kha nangni kin hong pe’n satvurna dong sêng loi dôrin nangni ki vur mo, vur ma ung, ni hong fia ngân u ta, Sipaihai Rengpa’n a ti.

JAKOBA toc2 JAKOBA 5:11

Diar taka tuangtu kha vânsa ei irti a ni. Joba tuangdiarzia nin inhriata, Rengpa’n a hnungkhôna a pêk dânhai nin inhriat. Rengpa kha za’rngaina le lungkhamna’n a sipa.

THUVÂRHAI 16:16

Rângachak nêkin khom vârna nei hi a sa uala, a ni, tangka nêkin khom inhriat thiamna chu inthang ual hrang a ni.

THUPHUANG 3:18

Khasikin nir chong theina hrangin rângachak meia irthiang tâk hai, ni korongboi ser an lang loina hranga ni sil hrang puan chek hai, ni hmu theina hranga mitna hloi hai ki kuang ircho hrangin nang ki ti.

1 TIMOTHEA toc2 1 TIMOTHEA 6:6

A ni, Pathian ngaisakna hin mihriam ar chongtir ngai, a thil neia khan a milung a chukin chu.

TÎRTÔNHAI SINTHO 5:41

Khanchu Jisua irhming sika mualphoi tuang hranga inruk an ni sikin, lôm takin Sanhedrin ata an suak ta.

2 THURCHI SUINA 25:9

Amazia chu deipu kuang, “Tangka ki lei ipêkhai kha te, itin mo a ini ta hrang?” a tia. Deipu khan, “Rengpa’n hi nêka tam hi nang a ipêk thei mo ni ma,” a tia.

1 JOHANA 3:1

Irngai u ta, Pa lung ni thungna hi a lûminna bâka! Pathian nâihaia a ni ibe tâk hi; khaang kha ei hong ini kêng. Hi sika hin rammualin nin hre ma, ama kha an inhriat no sikin.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

ROM KHUAA MIHAI KUANGA TÎRTÔN PAULA LEKHATHON 5:3

Khabana ei intaknaa khom ei ilôm mai a ni; intakna’n dorôina a siama,

TÎRTÔNHAI SINTHO 16:25

Zân laitaka chu Paula le Sila chu Pathian kuang an chongchaia, hla an saka, intângna ina mi danghaiin an irngaia.

JOHANA 10:23

Jisua chu Tempila Solomona bokropa a hong irlôi a va’rlôia.

MATHAIA 12:32

Tukhom, Mihriam Nâipa hrilsiattu chu ngaidam ni a ta, Irtha Irthiang hrilsiat chu, atûn hring sûnga khom, zoro hong theng hranga khom ngaidam ni no ni.

MATHAIA 6:33

A ram le a felna chu zong masa roi, khanchu, hihai murdi hi nangni pêk bêlsa a ti.

THUPHUANG 2:9

Ni dengtheizia le nin riangzia kin hriat, khannisianlân, nir chong, Juda tak ni loia, Setana pâla mi Juda irtihai nang insîrinsiatzia kha kin hriat!

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

1 JOHANA 2:25

Hi hi a ni a thu’nkung, Krista ngêtin ei kuang a inkung kumtuang hringna hi.

MATHAIA 13:8

Senkhat chu irnêng saa a tâka, senkhat chu irzain, senkhat chu sômrukin, senkhat chu sômthumin a hong ra tâka.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

1 TIMOTHEA toc2 1 TIMOTHEA 4:8

Taksaa irsep hi an lâpa, irtha tianga irsepna len vâng chu lam tinrênga an lâpa, atûn hring sûng le nakan hringnun hrangin an lâp tak tak a ni.