3 Khan mi pualoi kha sirbe ta nin ta; nikhua ki isiam ngêt hrang nia chu nin kezapha hnuaia khan vâiphin ang dênin an ini ta hrang a ni, sipaihai Rengpa khan a ti.
Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.
That hrang belra Seol-ah khitthunghai ang an ni, Thina chu a enkoltu ni a ta: Khua a vârin mi felhaiin an chunga roirêl an ta; an taksa hek a ta, Seol chu omna in hrang ni a ti.
Rengpa’n ki sipai hrât murdihai chu an nuisanhaia, ki ruathartehai thathai hrangin. Ama’n sipai a zuang tîra, Grep sômna khura grep sôm angin ki mipuihai a sômhaia.
Ni sualna tamtakhai sika hin le iamom loi taka ni sum bepâr thônahai sika hin hmun irthianghai chu ni porinchetira. Khasikin khopui chu ki hâlirvômtir chit a ni ta. Nang a entuhai vaiin irvut ni chang lam hi nang an hmua.
Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.
Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.
Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.
Sipaihaiin an râlhai lampuia dialdôka an ichîlhai angin, Juda mihai chu zoina changin la om an ti. Rengpa chu anni tiang a om sikin la doihai an ta, râlhai sakor chung chuang mihai ten khom lan hnêhai an ti.
Sipaihai Rengpa khan, “Anni kha ki tahai ni an ta, irchon irkhêl bîk tak ki siamna nia chu; khan mi’n a nâipa ama sinthotu kha a isiam angin anni kha siam ki ti,
Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.
Khanchu, khopui pên tianga grep sômna khura grep kha a sôma, kha khur ata kha thisen a hong suaka, kilometar irzathum seiin a luang suaka, metar inhni vêl an thûka.