MALAKIA 4:2 - PATHIAN LEKHABU IRTHIANG C.L. Bible (BSI)

² Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MALAKIA 4:2 ပူးပေါင်းရင်းမြစ်များ

2 SAMUELA 23:4

Misa a hong suaka, sûm om viat loi kha, zîng irlen ving ang hi a nia, Rua tho zoia hloisûl inhartir ang hi ni a ti,” a tia.

INPÂKNA HLAHAI 103:3

Ama khan ni pualoina murdi nang a ngaidam hena; Ni natna murdi nang an dam ngaia;

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

INPÂKNA HLAHAI 61:5

O Pathian, nangma’n chu ki thu’nkunghai nir ngaituaa: Ni’rhming chituhai ram lua chu ni pêka.

INPÂKNA HLAHAI 67:1

Pathianin lung nin kham sianlân, sat ni vur sianlân, A hmêl chu ei chunga zuang invârtir ri se;

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

INPÂKNA HLAHAI 85:9

A saninhringna chu ama chituhai nâia khan a om ngêt ngêt ngai a ni; Kin rama hin roiinpuina a om theina hrangin.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

ISAIA 35:6

Ke’nbâihai khom sakhi angin intân thei an ta, Chong theiloi khom raifânin zâi thei an ti. Ramchârna hmuna tui suak a ta, Tâng chârna hmuna khom tui luang suak a ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 53:5

Khannisian, ama’n kin sin insiatnahai sikin sâbe a tuanga, ei sualna sika soisak a ni, Irngeina ei nei theina hranga hremna tong a ni, a vîk tuangna chu ei damna hranga a lei ni.

ISAIA 9:2

Inthim hnuaia omhai namin chu, vâr roiinpui tak an hmu tâka, raminthim taka omhai hrangin khua a hong vâr ta.

JEREMIA 17:14

Rengpa, nin damtirin lân chu dam ving ki ti, ni sanin lân, zôk ving ta ki ti. Nangma vai nang ki inpâk ngai ni ni.

JEREMIA 30:17

Nang indamtir nôk ki ta, ni sâbehai khom indamtir ki tah ti hi Rengpa thu suak a ni. ‘Mâksan tûte irngaipoimo loi Zion,’ nang an ti sikin,” a tia.

JEREMIA 33:6

Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

EZEKIELA 47:12

Khanchu tuidung hi tiang le so tianga ivakamhai khan bua ngam hrangin thingkung chi tinrênghai mông a ta, a hnâhai chu itiklai khom thêm no nia, ra insua loiin om no nihai. A tha tin ra thar nei mai an ti. Biakbuk ata tui zuang luangsuak khan an fâhai sikin. Thingkunghai khan fâk hrang insua an ta, an hnâhai chu mihai damna hrangin hmang ni a ti,” a tia.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

MALAKIA 3:16

Khanchu, Rengpa chituhai kha an chongirhlôma: Rengpa’n a lei irngaituaa, a lei inhriata, Rengpa chituhai le ar hming uksaktuhai hrangin inhriat maina lekhabu kha a makunga irziak a ni tâka.

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

LUKA 1:50

A chipuihai chu thoiinthar dênin lung an kham thiai ngai.

LUKA 1:78

Ei Pathian chu inrenna le lungkhamnaa sip a nia, Khasikin, chung tiang ata saninhringna misa vâr chu ei chunga insuaktir a ta,

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

JOHANA 1:4

Amaa hringna a oma, kha hringna kha mihriamhai vârna a ni.

JOHANA 1:8

Ama kha chu vâr ni ma, vâr thu kha inhriattir hranga zuang a ni ual.

JOHANA 12:40

“Pathianin an mit an chotir pehaia, An milung an ngartir sa, An mitin an hmu nona hrang le an milungin an inhriat thei nona hrangin. Khanchu, hong kîr nôk an ta, Anni kha ki lei indamhai itinin,” a iti ang khan.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

JOHANA 9:4

Sûn a ni lai hin a ni tîrtu sin hi ei itho hrang a ni. Zân ni hrang a ni ta tûte’n sin thei ta no nihai.

TÎRTÔNHAI SINTHO 13:26

Urênghai, Abrahama irchihai le nangni Pathian chi mi dang murdihaio, kha saninhringna thu kha ei rênga kuang a zuang itung ta a ni.

TÎRTÔNHAI SINTHO 13:47

Khaanga tho hrangin Rengpa’n thu a ni ipêk a ni. ‘Jentailhai invâr hrangin nang kin kung, kôlkil dêna mihai Saninhringna hrangin,’ ti irziak ang khan,” an tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

2 THESALONIKA toc2 2 THESALONIKA 1:3

Urênghaio, nangni sikin Pathian kuang lômthu hril mai hrang kin nia, kha kha kin itho hrang pial a ni. Iamnaa chung nin tuar tak taka, nin rênga lung nin irthung irhlômna khom an thûk tîr tîr a ni.

2 PETERA toc2 2 PETERA 1:19

Deipuhai thu lei inpuang kha a dik ngêt tih keini khomin kin pom indet uala, nangni khomin, Vârpâr Ârsi a zuang inlang mân vâr angin, kha thu kha nin milunga invârtu hmang unglân sa a ti.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.

1 JOHANA 2:8

Khannisian atûna nin kuanga thupêk ki irziak hi a thar a ni, kha thutak kha Kristaa leh nangnia an lang; inthim kha a hong irkiang thiaia, vâr tak tak a hong vâr tâk sikin.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.

RUTHI 2:12

Rengpa’n ni sinthôna man nang thuan sianlân; Rengpa, Israelhai Pathian, irsûnghualna hranga a mithazâr hnuaia, a zuang inkhumin chu, ni satna man nang pe ok ri se,” a tia.