MALAKIA 3:5 - PATHIAN LEKHABU IRTHIANG C.L. Bible (BSI)

⁵ Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

MALAKIA 3:5 ပူးပေါင်းရင်းမြစ်များ

HEBRAI toc2 HEBRAI 13:4

Inneina hi mi murdi’n an inhlut hrang a ni, ompui sangram khomin an iamom irhlôm hrang a ni. Irdithai le uirehai chu Pathianin rêl a ti.

DÂN INHNINA 5:11

Pathian Rengpa irhming sâlin milak tho no ro; milaka a’rhming sâltu chu Rengpa khan hrem loiin insua no ni.

JAKOBA toc2 JAKOBA 5:4

Irngai u ta, nin loia sinthotuhai hlo nin khit pehai kha an khêka, bu âttuhai khêk irhai kha Itinrêng Rengpa mikuar inhriata a tung ta.

MALAKIA 2:14

Nangni’n chu, “Itho sikin mo?” nin la ti sa rêk, ni thuthung nupang leh ni irkoppui ni khomsian, a chunga dik loi taka ni itho tâk hi, ni thoibop laia dôngma le nangma kâra khan Rengpa kha thu’nhretu a ni.

DÂN INHNINA 27:19

‘Nam danghai, farahai le meithâihai ata theibîk uar chu khosâl tong ri se,’ ti an ta, Mipui murdi khan, ‘Amen’ tiin lei sâm an ti.

THUPHUANG 22:15

Khopui pên tiang chu uihai, dôi theihai, irdit saloihai, mi thathai, millim biakhai, chong le sinthoa milakhai kha om an ti.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

LEVI DÂN 20:27

“Pasal khom, nupang khom, ramilhli ikop le dôi uar chu lunga dêng that hrang an ni, an thisen mô chu anni’n pêl an ti,” a tia.

LEVI DÂN 20:6

Ramilhli ikop le dôi thei pantuhai chu irheisan ki ta, ki mihai laia inkhop ta no ning.

LEVI DÂN 19:13

Ni bômhai huang no’n lân, an thil nei irchûpuihai no ro, ni kuanga irhlo chu zân khat khom a hlo khap pe no roh.

MALAKIA 2:17

Nangni rêkin chu, ia khan mo kin insôltir? nin tia. Thilsual thotu murdi Rengpa mithmua mi sa an nia, an chunga khom a sân a lôm ngai nin ti ngaia, roirêl felna Pathian kha khôn mo a iom? nin itihaia hin a ni.

JEREMIA 29:23

Kha kha an ihlo hrang chu a ni. Sual irkhêlhai an tho’n chu, an tualbômhai dôngma an uirepuihaiin chu, Rengpa irhmingin thudik loi an hril sikin, kha kha Rengpa nuam loi lam a nia; an sintho kha an hriata, annihai hnôla thu inhretu a ni. Rengpa’n a iti a ni,” tiin.

THUVÂRHAI 16:6

Dikna le iamomna nei chu Pathianin a ngaidam ngaia. Rengpa chitna’n mi’n sual a mâk ngai.

THUVÂRHAI 8:13

Rengpa chi chu sual hnôlpai hi a ni; irpâkna hai, irsongna hai, sual lampui hai le chong chanlamboi hai hi ki ihnôlpai a ni.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

ROM KHUAA MIHAI KUANGA TÎRTÔN PAULA LEKHATHON 3:8

Mi senkhatin “Thil sa a hong suak theina hrangin thil sual lei tho rei, a ti”, tia an ni hrilinsiat ang khan ei itho chian hrang ma ni? Kha mihai kha thiamno changrua pial an ni.

MIKA 1:2

Nangni nam murdihaio, nin rêngin inhre unglân; O irnêng le a sûnga om murdihaio, irngai roi: Rengpa pathian, Rengpa kha a biak in irthiang ata nangni doiin nin chungthu inhretu ni ri se.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

INPÂKNA HLAHAI 81:8

O, ki mihaio, irngai unglân, nangni kin hriattir: O Israelhaio, ki thu irngai nuam unglân chu o!

NEHEMIA 5:15

Khannisian matona ram optu chu a le’rchong oka, tangka sekel sômminli tep loiin, an bu le uainhai an lâk pehaia; a hnung le a mân tianga siahlohai chu an inlal oka; khannisian keima’n chu Pathian chitna’n khaang khan tho ma unga.

DÂN INHNINA 24:17

Nin laia om sa nam dang mani, fara mani, dongtum kha hlep no roi. Meithâi puan chu bondokin la pe no roi.

LEVI DÂN 20:10

A Israel chanpui dôngma uirepuitu chu a nupang leh khan that hrang an ni.

FESUAKNA 18:21

Kha no khomin, mipui laia irthok mi theithiam, Pathian chi mi, mi dikhai, fâkinrûk fel loi khôkmâk mihai inthangsuakin lân, anni chu sâng khat chunga roirêltu, irza chunga roirêltu, sôm ringa chunga roirêltu, sôm ruk chunga roirêltuhai ni hrang se roh.

FESUAKNA 1:17

Khannisianlân nâi kurmâhai khan Pathian an chi sikin rêng thupêk zôm loiin, nâipasalhai khom an inzôkhaia.

IRPHUTNA 42:18

Sûn thum ni sûn chu Josefa’n “Kei lak Pathian ki chia, hiang hin tho unglân, khan kêng nin izôk thei hrang a ni.

JAKOBA toc2 JAKOBA 5:12

Ki urênghaio, i khom nisian khomâk irsâm ngai no roi, irvân mani irnêng mani, thil dang sâmin mo khomâk sâm no roi, “A ni,” nin iti chu “A ni” ti chian unglân, “Ni ma,” nin iti chu “Ni ma” ni chian ri se; khanchu thiam loiin nin iom loi hrang a ni.

1 THESALONIKA 4:6

Hi thila hin tukhomin a urêng a huangin a chunga thil saloi tho no ri se; khaanga thotuhai chunga khan Rengpa’n phuba la a tih ti nangni kin inhriattir tâk kha.

LUKA 23:40

Khannisianlân, inkhatpu khan a lei khapa, a halirchua, “Pathian ten lua ni ichi loi mani, irang maia nang an ihrem hi?

INPÂKNA HLAHAI 36:1

Mi sia tho’nsualna khan ki milung sûnga hin thu an sîra, “A mithmua Pathian chitna rêng rêng om mah,” tiin.

IRPHUTNA 20:11

Khan, Abrahama’n, “Hi kho sûnga hin Pathian chitna nei mi nin om viat no sikin, ki dôngma ki ti’n teh kei nin ni ithat ngam hrang a nih ti kin hriat sika a ni.

DÂN INHNINA 18:10

Nin laia tukhomin maichâma hâlirvôm hrangin nin nâihai nin inhlan sa hrang ni ma; kutzia en hai, tasân hai, pânzia en hai, dôi hai,

ISAIA 57:3

Nangni, dôi hmanghaio, hong inrang ta hi roi, uire nâi le mi hur irchi nin nia.

JEREMIA 5:2

Rengpa chubai mûkin irbê ngai khom unglân, Nin iti kai kha a nia, nin itum tatak chu ni mah.

JEREMIA 5:29

Khaangin hi thilhai sika hin anni chu intuangtirhai ki ta, hi nam chunga hin phuba ki ilâk hrang a ni.

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.

JEREMIA 27:9

Nin deipuhaiin mo, nin tasân thiamhaiin mo, mithi irtha chongpuiin mo, nin dôithiamhai hmanga zoro la hong hrang lei inpuang theina ki neih ti irbêhai chong irngai no roi. An rêngin Babulon rêng kuanga irpe loi hrangin nangni an ihril a ni.

JEREMIA 27:10

Nangni an huanga, nin ram ata ram hlataka hruaipaiin nangni an isia hrang a ni. Nangni inhnotsuak ki ta, that irhmangin nin iom hrang a ni.

JEREMIA 42:5

Khanchu anni’n ki kuang, “Rengpa ni Pathianin kin tah hranga thu nang a inhril angin kin tho no’n chu, Rengpa chu thu inhriattu dik, iamom mi ni ri se.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

ZAKARIA 11:12

Khan keiin an kuang, “Nin nuama ni’n chu, ki hlo chu ni pe roi. Khannisian nin nuam noa ni’n chu ni pe no roi,” ki tia. Khanchu tangka sômthum chu ki hlo’n an ni pêk tâka.

FESUAKNA 20:7

“Rengpa ni Pathian irhming sâmin minlak tho no ro, minlaka a’rhming sâmtu chu Rengpa’n dengintheitir loiin om no ni.

FESUAKNA 22:20

Rengpa kuang ni loia, pathian dang kuanga irbôlna hmangtu chu that irhmangpai hrang a ni.

DÂN INHNINA 15:13

A kum sarina chu manboiin nin insua hrang a ni.

JOBA 7:2

siahlo dâihlîm irzuk ngôi ngôi le irhlo fâk a hlo nghâktu angin:

JOBA 31:12

Hianga sual kha chu kâng irhmang thei ving ang ni a ti. Ki inei murdi kâng zit a ti.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.