MALAKIA 3:17 - PATHIAN LEKHABU IRTHIANG C.L. Bible (BSI)

¹⁷ Sipaihai Rengpa khan, “Anni kha ki tahai ni an ta, irchon irkhêl bîk tak ki siamna nia chu; khan mi’n a nâipa ama sinthotu kha a isiam angin anni kha siam ki ti,

MALAKIA 3:17 ပူးပေါင်းရင်းမြစ်များ

FESUAKNA 19:5

Khasikin ki chong nin irngai ta taka, ki thuthung hi nin vong maiin chu, rammuala nam tin laia ki ta hrangin ki’rchon nei thei nin ti: rammual pumpuia chi, nam irthiang ni nin ti, iti hril roh. Hi hi Israelhai laia ni insîr hrang a ni,” a tia.

DÂN INHNINA 7:6

Nangni chu, Rengpa, nin Pathian ta hrangin ser indang khak nin ta; Rengpa nin Pathian khan rammuala nam tinrêng lai ata a dongtum bîk ni hrangin nangni a inthang a ni.

2 KORINTH 6:18

Keima nin Pathian ni ki ta, nangni ki nâipahai le ki nâinuhai ni nin ti, Rengpa Itinrêngthothei khan a ti,” a iti a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

INPÂKNA HLAHAI 135:4

Rengpa khan Jakoba-hai hi ama ta hrangin an thanga, Israelhai hi a dongtum bîkin a inthang a ni.

DÂN INHNINA 14:2

Rammuala om murdihai laia nangni hi Rengpa nin Pathian ta hranga nam inthang, ama hrang ual bîka Rengpa inthang suakhai kha nin ni.

1 KORINTH 6:20

mana irchôk kêng nin ini tâk, khasikin nin takpum kha Pathian roiinpuina hrangin hmang roi.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

EZEKIELA 16:8

Khan, ni kuanga ki honga nang ki ena, irngai ta, inditom ni ni tâka, ki puan ki lâka, ni korongboi chu ki’rkhû tâka: khanchu ni kuang irkhâmna ki siama, thuthunga ki lûtpui tâka, ki ta tak ni ni tâka, ti hi Rengpa pathian thusuak a ni.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

NEHEMIA 13:22

Khanchu Levihai chu irsinsiama, irngam nia irthiangtirna kul mikothai hrung hrangin thu ki pêka. O ki Pathian hi thua hin nin hre mai ro, ni lungkhamna zârin ni la hôiin lân.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

GALATIA 5:24

Jisua Kristaa omhai khan an taksa irzukna hai le nuamna hai khan an hembe ta a ni.

1 KORINTH 15:23

Aniachu, mâni zoro senga kaithoi ni an ti; a masa taka Krista a nia, Krista tahai chu a zuang nôk tika kaithoiin om an ti.

JOHANA 17:24

Ka Pa, nangin mi, ni ni ipêkhai hi ki kuanga om hrangin ki nuam, nangin lung ni ni thung sika rammual irsiang mâna ni ipêk ki roiinpuina kha an hmûna hrangin;

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

HLAHAI HLA 2:16

Ki lungdi chu ki ta a nia, kei khom ama ta ki ni, a belra pâlhai chu lili pâr bila an lêngtirhai ngai.

FESUAKNA 32:32

Ngaihoi takin an sualna ngaidamin lân; khan ni ngaidam nuam zel no’n chu, ni mihai irhming chuangna bu ata kha, ki’rhming khom kâtpai ro,” a tia.

ISAIA 4:2

Kha ni khan chu Rengpa ata a dôn thar hong suakhai chu intuai duamin om a ta, Israel rama la omhai ta hrangin satak le tuitakin la ra a ti.

ISAIA 43:1

Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 43:21

Keima hranga ki isiam an ni. Ni lan pâk ngêt an ti.

MALAKIA 4:3

Khan mi pualoi kha sirbe ta nin ta; nikhua ki isiam ngêt hrang nia chu nin kezapha hnuaia khan vâiphin ang dênin an ini ta hrang a ni, sipaihai Rengpa khan a ti.

INPÂKNA HLAHAI 115:13

Rengpa chituhai chu satvur a ti, A lian a chînin.