MALAKIA 3:11 - PATHIAN LEKHABU IRTHIANG C.L. Bible (BSI)

¹¹ Nangni fâk irhmangpai petu nangni khap pe ki ta, khanchu, nin irnêng rahai kha nangni insiat pe ta no nia, irhuana nin grep ra kha nangni tâk irhmangpai pe ta no nia, Sipaihai Rengpa’n a ti.

MALAKIA 3:11 ပူးပေါင်းရင်းမြစ်များ

JEREMIA 8:13

“Mi’n chîmu a ibukkhôm angin, ki mihai khom ki buk nuama; khan grep hrui ra boi angin, theipui ra boi, a hnâ khom thêm tâk angin nin oma, khasikin ram dang mihaiin ram hi an ilâk ki iphal a ni.

HOSEA 2:21

Kha nikhua khan hiang hin ni a ta, changpui ki ta Rengpa thu suak khan a ti. irvânhai chongpui ki ta, khan anni’n irnêng chongpui an ti.

JOELA 1:12

Grep hrui kha a thêma, theipui kung kha a châra; dalim thei kunghai, tûmhai le apple thei kunghai, loia thing murdihai khom kha a chuai tâka; mihriam nâihai laia lômna kha a chuai irhmang tâka.

JOELA 1:4

Thing irnge irlungin a ifâk mihlia murdi chu khâihmimsein a fâka; khaihmimse’n a ifâk mihlia murdi chu irlungin a fâk zoi, thing irnge’n a ifâk ban ka kai kha irlungin a fâk zoi.

JOELA 1:7

Ki grep hrui an siattira, ki theipui thing hôk a khêt infâi zita, a pai irhmanga; a ônhai khom a khêt invâr zoi ta.

JOELA 2:20

aniachu, nin kuang ata hmâr tiang ata zuang mi huaisenhai pâl kha irzûlpai zit ki ta; ramchâr le chiaia infetir ki ti, a masa pâl nitâk tianga tuipuia, inhnung inta pâl thang tianga tuikhangliana; hong innam suak a ta, mirim se takin hong innam a ti, thil irkhêltak a tho tâk sikin, tiin a sâma.

JOELA 2:22

Sahaio, chi no roi; ramchâr hloisûl hmun a hong inchera, thing kha a hong raa, theipui kung le Grep hruihai kha an hong indôn a ni.

JOELA 2:25

Nin laia ki sipai rual tamtak ki tîr, khâihmimse hai, thing irnge hai, longak hai, thing irnge longakhaiin an ifâk zoi kumhai kha nangni thuan nôk ki ti.

AMOSA 4:9

Chârkhohroina le duichûtna’n nangni ki hrema: nin irhuanhai, nin grep irhuan hai, nin theipui kung hai, nin oliv thinghai murdi kha thing irnge irlungin a fâk zit tâk a ni: kha khom khan ki kuang hong kîr mak chêi, Rengpa thu suak khan a ti.

HABAKUKA 3:17

Theipui kung kha pâr ta no khom sian, Grephruia khan a ra om ta no ngân khomsian; Oliv sika sin sôlna kha mâkana hong niin, Loihai khan bu hong vâng ta no khom sian; Belra pâl kha a ina irthoka sâtthâka omin, Sehrât ina khan sehrât pâl khom om ta nohai khomsian,

HAGAIA 1:11

Irnêng chunghaia, tâng chunghaia, bu chunghaia, uain chunghaia, hriak chunghaia, irnêng chunga thil hong suak chunghaia, mihriam chung haia, sa chung haia, kuta tho suak murdihai chunga khua kin kangtir a ni,” a tia.

HAGAIA 2:17

Nin itho suakna murdi chârna hai, irngêhai le irialin nangni ki hrema; khannisianlân, ki tiang hong irhei ual mak chêi, ti hi Rengpa thu suak a ni.

ZAKARIA 8:12

Lungthi takin an loimânhai tho an ta, an grep kunghaiin ra tamtak insua a ta, irnêngin bu le bâl insua a ta, rotui khom tamtak om sa a ti. Hi satvurna murdihai hi ki nama mi la omsunhai chunga intungtir ki ti.

DÂN INHNINA 11:14

Rua masa le ro hnungkhôn kha nin rama a zoro taka inthotir a ta, nin buhai, nin grephai, nin olivhai, a zoro taka ât thei nin ti;