MALAKIA 3:1 - PATHIAN LEKHABU IRTHIANG C.L. Bible (BSI)

¹ “Irngai u ta, ki tirtôn kha ki tîra, ama khan ki matona lampui kha sinsiam a ti: khan Rengpa nin izong kha, a biak ina khan zuang zôi zel a ti; khan, thuthung tîrtôn nin inuam tak kha, irngai u ta a hong e,” sipaihai Rengpa’n a ti.

MALAKIA 3:1 ပူးပေါင်းရင်းမြစ်များ

INPÂKNA HLAHAI 110:1

Rengpa khan ki rêngpa kuang, “Ni râlhai ni ke irnghatnaa ni sia mâka chu ki chang tiang toi ro,” a tia.

FESUAKNA 23:20

“Nin zin sûnga hmun ni irfûktir kha, nangni intungtira, ni hrungin mahruaitu ni hrangin vântirtôn ki itîr hrang a ni.

FESUAKNA 23:21

Ama chu irngaiinhlu unglân, a thu zôm roi. A chunga khan tehel ngai no roi, khaanga tho’nchâina kha ngaidam ni no ni; ama kha ki itîr a ni sikin.

ISAIA 40:10

En ro, Rengpa Pathian chu mi hrât hongin a honga, a kut hrâtna hmangin roirêl a ta, a isansuakhai hruai a ta, a irtanhai infâhai a ti.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

HAGAIA 1:13

Khanchu, mihai kuang Rengpa chongbe hmang khan Rengpa tîrtôn Hagaia khan an sîra, Nin kuang ki iom a nih, ti hi Rengpa thu suak a ni, tiin.

MALAKIA 2:4

Levia kuang ki thuthung hi an ding thiai theina hrangin, hi thupêk hi nin kuang ki hong insua a ni, ti inhria nin ti, sipaihai Rengpa’n a ti.

MALAKIA 2:7

Ochaihai hmûra chu inhriatna a ivong hrang a nia, a bâi ata dân kha an izong ngai hrang a ni; ama kha Sipaihai Rengpa tîrtôn a nia.

MALAKIA 4:5

Irngai u ta, Rengpa zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

MATHAIA 11:14

nin iam nuamin chu, a zuang hrang thu inpuanga lei om Johana hi Elija a ni.

LUKA 1:76

“A ni, ki nâi, nang hi Anchungtak Pathian deipu nang la ti an ti. A lampuihai sinsiam hrangin Rengpa maton tiang lei fe ni ti.

LUKA 19:47

A nitin Tempila khan ar chutir ngaia, Ochai inlalhai le Dân irchutirpuhai khan, vântâng hruaituhai le, ama kha that irhmang an tuma.

LUKA 2:11

A vuan hin nin ta hrangin Davida khuaa saninhringtu a suak ta, Reng Krista chu,

LUKA 2:38

Kha lai khan ama kha a fea, Pathian kuang lômthu an sîra, Jerusalem sansuakna sabeituhai kuang nâitesen thurchi kha an sîr tâka.

LUKA 2:46

A sûn thum ni’n chu Tempila, irchutirtuhai kuang lei toiin an hong hmu tâka; an thu a lei irngai le lei irdonhaiin an va hmu tâka.

TÎRTÔNHAI SINTHO 19:4

Khanchu, Paula’n an kuang, Johana khan mihai kuang, ki hnunga zuang hrangtu Jisua nin la iiam hrang a ni tiin an sualna ata irlet tâkhai kha a ibaptis ngai a ni kha,” a tia.

TÎRTÔNHAI SINTHO 7:38

Ama kha a ni ramchâra pungkhôm laia, Sinai tânga ama chongpuitu vântîrtôn laia khom oma, eini ni pe hranga Pathian thu hring latu kha a ni.