MALAKIA 2:8 - PATHIAN LEKHABU IRTHIANG C.L. Bible (BSI)

⁸ Nangni rêk chu lampui ata nin lei pêt taka; Dâna khan mi tamtak nin intûktira; Levia thuthung kha nin insiat a ni, Sipaihai Rengpa khan a ti.

MALAKIA 2:8 ပူးပေါင်းရင်းမြစ်များ

NEHEMIA 13:29

O ki Pathian, ochai sin le ochai sintho hranga thuthung le Levihai thuthung an porinchetir sikin inhre pehai mai roh.

JEREMIA 18:15

Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

MALAKIA 2:5

Ki milung kha a kuang a oma; hringna le irtharngamna ki pêka, chi khom a ni ichi a ni, ki’rhming chia a ngîr theina hrangin a kuanga khan ki ipêk a ni.

EZEKIELA 44:10

Khan, “Israelhai, an millim irzûla an irhmang laiin keima irthoka hlataka fe tâkhai, Levi mihai khan anni sualna kha pêl an ti.

JEREMIA 17:5

Khan Rengpa’n, “Mi’n hnung ni songsana, mihriam chunga irnghat chu, a fam thei mihriam hrâtna irnghattu chu thiam loi ki inchangtir hrang a ni.

ISAIA 30:11

Ni kiang pe unglân, kin kôla om ta no roi, Israel mi irthianghai thu hih hril mai ta no roi,” an tia.

1 SAMUELA 2:17

Hi Elia nâipasalhai sualna hi Rengpa mithmua irkhêl tak a nia; mihaiin Rengpa kuanga irbôlna inhlanhai kha mahrip tho viat loiin an tho tâk sika a ni.

HEBRAI toc2 HEBRAI 3:12

Urênghai, Pathian hring kha hnungsong hrangin nin laia tûte’n iam loina lungrîl sual nin nei loina hrangin irdîn roi.

ROM KHUAA MIHAI KUANGA TÎRTÔN PAULA LEKHATHON 14:21

Ni urêng tûkna hrang a niin chu hme hai, uain hai le thil tinrêng nghei a sa.

ISAIA 59:13

Rengpa hnôlin kin nuarsana, kin Pathian irnghilin, thu chanlamboiin tehel kin zong pea, irphialna zongin minlak kin thoa.

ISAIA 9:16

An nam hruaituhai hin an hruai insualhaia, an ihruaihai khom an irhmang zoi tâk a ni.

INPÂKNA HLAHAI 119:102

Ni roirêlnahai ata chu pêt ma ung, Nangma’n ni nir chûtir sikin.

INPÂKNA HLAHAI 18:21

Rengpa lampuihai kha ki zuia, Ki Pathian kuang ata sual takin rotsan ngai ma unga.

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.

1 SAMUELA 2:24

E he! ki nâihai, nin thurchi ki inhriat hi a siatna tiang inzen a ni.

LEVI DÂN 21:15

khano’nchu, a nâihai porinche an ti, anni khom an irthiang hrang a ni. Rengpa ki ni hi, kei hin ki ochai inlaltak kha ki ser indang tâk a ni.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

NAMBAR 25:12

Khasikin ama le kumtuangin thuthungna siam hrang ki nih ti hril roh.

NAMBAR 25:13

Ama le a’rchi suanpârhai chu kumtuanga ochai nina pêk an nia, a ni doipuituhai chu irngai thei maka, mipuihai sualna ngaidamna khom an tungtir sikin,” a tia.

JEREMIA 2:8

Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

ZEFANIA 3:4

A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

2 RÊNGHAI 16:11

Uria’n Damaska khuaa maichâm ang zekin a siama, Ahaza hong kîr mân a siam zoia.

THUVÂRHAI 12:8

Mi bengvârin chu inpâk hlo a ta, mi’nvêt rêk chu mi’n hmusit an ti.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

EZEKIELA 44:7

lungrîla sertan loi le taksa tianga sertan loi, râlhai ki hmun irthianga om hrang le porinchetir hranga ki in ngêta nin hong chôi sika nin intir omnahai hi ruk ta ri se; bai mani, sathâi mani, thisen mani nin inhlan lai khan ki thuthunghai chu nin insiata, nin intir omnahai bôk sana hrang vaiin.

EZEKIELA 44:12

An millimhai kôla khan a sin an lei tho pe tâk sika khan, Israel sûngkuahai ta hrangin suala irtetna kêng an lei chang ta, khasikin an chunga khan ki kut irlek ki ta, an sualna chu anni ngêtin pêl an ti. Rengpa Pathianin a ti.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.