MALAKIA 2:3 - PATHIAN LEKHABU IRTHIANG C.L. Bible (BSI)

³ Irngai u ta, nangni sikin nin chihai kha halirchu ki ta, nin hmâihai khan êk nâl ki ta, hruaithe nin ihmangna ngêt leh khan; kha leh khan lapai ni nin ti.

MALAKIA 2:3 ပူးပေါင်းရင်းမြစ်များ

1 RÊNGHAI 14:10

Hitak sik hin nir chia pasal nâi om murdi nâite ata ulian dênin inram ving ki ti, sahrok phît infâi angin nir chihai phît infâi la ni a ti.

JOBA 20:7

Ama mizun le êk angin kumkhua’n irhmang a ti. Ama hmu ngaihaiin chu, “Kho tiang mo a iom tâk?” ti an tih.

INPÂKNA HLAHAI 47:5

Pathian chu khêk irhaiin a kâia, Rengpa chu bekul irhai leh a kâi tâka.

INPÂKNA HLAHAI 83:10

Kha mihai kha Endor khuaa an irhmanga; Irnêng hrangin hri ang dên an hong ni tâk kha.

FESUAKNA 29:14

Khanchu a hme, a vun, le a rîlhai chu dâi pên tiang hâlirvômin lân, sual irbôlna thil inhlan a ni sikin hâlirvôm ving hrang a ni.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

JOELA 1:10

Loi kha insiat a nia, ram khan a charindonga; bu kha insiat a nia, uain thar kha a kanga, hriak kha a châra.

JOELA 1:17

Chîmuhai kha irnêng châr hnuaihaia khan a hmona; panghai kha a rama, fasiarhai kha insiatin a oma; a bu kha a thêm tâk sikin.

LEVI DÂN 26:16

hiang hin nangni hrem ki ti: chamairakin nangni inomtir ki ta, inkhurpui, dam thei loi hri irvei nin ta, nin mit dolde suak a ta, hring suakpui no chin ni.

NAHUMA 3:6

Porinche intirom takin nang inthek ki ta, inzakom takin nang siam ki ta, mi tin en hrangin nang sia ki ti.

MALAKIA 2:9

Khasikin kei khomin, ki lampui chu tukhomin a hro om mak chêia, Dân thua mi theibîk nin inei ang zêlin, mi murdi makunga hmusitom le irhniamin nangni siam ki ti.

LUKA 14:35

Irnêng insana hrang khomin sa ta maka, nimnoka pol inruk khom ni ta maka, pai chian hrang vaiin kêng a iruk tâk. Tukhom irngaina mikuar nei murdi’n chu irngai ri sehai,” a tia.

1 KORINTH 4:13

mi’n an ni êro le dâiriamin kin sâm ngai. Hi rammuala sahrok leh danglam ual ma ung, atûn ten khom hin irnênga nokkok ang kin ni.

DÂN INHNINA 28:38

Chîmu song nghek nin ta, tômte vai man nin ti; khâiin nangni fapai pe an ti.