MALAKIA 1:8 - PATHIAN LEKHABU IRTHIANG C.L. Bible (BSI)

⁸ Irbôlna’n a mitcho nin inhlanin sualna a iom loi ma ni? A ke’nbâi le sirirdul nin inhlanin sualna a iom loi ma ni? Nin ram optu khom pe ngân u ta; nangni lôm ni mo? Aninole, nangni lei irngaisâng ni mo? Sipaihai Rengpa’n a ti.

MALAKIA 1:8 ပူးပေါင်းရင်းမြစ်များ

JOBA 42:8

Khasikin, sehrâtchal sari le belrachal sari kai unglân, ki siahlo Joba kuang fe unglân, nangni hrang hâlirvôm thil var hlan roi. Khanchu ki siahlo Joba’n nangni chongchai pe a ta, a izonglam angin lei pom pe ki ta, nin into lam angin chu nangni thuan no ning, ki siahlo Joba angin ki chungchâng thu diktakin hril ngam mak chêi sikin,” a tia.

INPÂKNA HLAHAI 20:3

Ni thil inhlan murdi kha inhre mai sianlân, Ni hâlirvôm thilinhlan kha lôm ri se;

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HAGAIA 1:1

Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti.

MALAKIA 1:10

Mâkana’n ki maichâma khan mei nin inchok loina hrangin, Nin laia mi, mikot khâr hrang om sianlân chu o! Nin chunga lômna rêng rêng nei ma ung, nin kut ata thil irhlan kha pom sa no ning; Sipaihai Rengpa khan a ti.

MALAKIA 1:7

Ki maichâma khan bai porinche nin inhlan kha te. Nangni’n, khoa khan mo kin iporinchetirna? nin tia. Rengpa maichâm hi hmusitom a ni, nin iti hennaa hin a ni.

DÂN INHNINA 15:21

A ke’nbâi mani, a mitcho mani, hmêlvei chu Rengpa nin Pathian kuanga khan nin inhlan hrang ni ma.