MALAKIA 1:6 - PATHIAN LEKHABU IRTHIANG C.L. Bible (BSI)

⁶ Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MALAKIA 1:6 ပူးပေါင်းရင်းမြစ်များ

INPÂKNA HLAHAI 123:2

Irngai ta, siahlohai mitin an pu kut tiang an en ngai ang le, Siahlonu mitin a pi kut tiang a ien chian ngai angin, Keini mit khomin Rengpa kin Pathian tiang a ien chian a ni, Lung a nin kham mâka chu.

FESUAKNA 20:12

“Ni nu le pa mahrip tho’n lân, khanchu Rengpa ni Pathianin ram nang a ipêka hin hring dam sôtin om ni ti.

THUVÂRHAI 17:6

Nâipanghai roiinpuina chu pahai hi an nia, putarhai rênglukhum chu an tu le tehai an ni.

THUVÂRHAI 30:11

Mi senkhat an pahai khua sâla an nuhai ngaisak loi an om.

THUVÂRHAI 30:17

A pa hmusittu le a nu êrotu mit chu phâi vaâkin kêlsua an ta, raikosohaiin fa an ti.

ISAIA 1:2

Rengpa’n thu a hril hi, “Irvânhaio, irngai unglân, irnêng khom ni mikuar lei sung roh. Nâi le te kin fâhaia, kin liantirhaia, khannisian, an ni tehel pe zoi ta.

ISAIA 43:23

Hâlirvômna hrangin kêlbelra ni pe mak chea, irbôlnahaiin ite ni chôiindôm mak che. Nin laia thil inhlan chu nangni inphût ma unga, mirimhoi khom nangni insôltir ma ung.

ISAIA 45:10

Mâni nu le pahai kuang, “Itina mo hianga nin ni inei hi?” tu ngân mo ti thei hrang?

ISAIA 64:7

Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

ISAIA 64:8

Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

JEREMIA 23:11

Khan Rengpa’n, “Deipuhai le ochaihai chu Pathian nei loi an nia, ki biak in sûng ngeia thil saloi tho’n ki ihmuhai a ni.

JEREMIA 3:4

Nang chu ka pa, nâipangte ki ni lai ata lung ni ni thunga.

JEREMIA 31:9

Chap puma hong nihai khomsian, irtharngam sakin hruaihai ki ti. Tui kôla le lampui tuanin an irtet thei loina hrangin hruaihai ki ta, Israelhai ta hrangin pa ni ki ta. Efraima chu ki nâilutîr a ni,” a tia.

JEREMIA 35:16

Jonadaba irchihaiin chu an irchibul thupêk an zôma, nangni rêkin chu zôm nuam mak chêi.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

HOSEA 12:8

Efraima khan, ki’rchong ok ta, hlo ki chuk ta a ni: ki sintho murdihaia lak chu keimaa siatna thil sual an ihmu hrang om viat ta mah, a tia.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 5:1

O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin.

LEVI DÂN 19:3

Mâni nu le pa mahrip nin itho seng hrang a ni, ki thupêk angin ki sabat nikhua nin iser hrang a ni, Rengpa nin Pathian ki ni.

ZEFANIA 3:4

A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

MALAKIA 2:1

Atûn hin o nangni ochaihai, hi chonginkung hi nin ta hranga a ni.

MALAKIA 2:10

Ei rêngin pa inkhata irchi ei ini loi ma ni? Pathian inkhat siam khom ei ini loi ma ni? Itho sika mo ei pahai thuthung porinchetira, urêng le urêng ei irhuang hen?

MALAKIA 2:8

Nangni rêk chu lampui ata nin lei pêt taka; Dâna khan mi tamtak nin intûktira; Levia thuthung kha nin insiat a ni, Sipaihai Rengpa khan a ti.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

MATHAIA 15:4

Pathianin, ‘Ni nu le ni Pa chôiindôm roh, mâni nu mani, pa mani insîrinsiat chu a ithi ngêt hrang a ni,’ a tia.

MATHAIA 15:6

a nu le a pa mahrip a itho hrang ni mah,’ nin ti ngaia. Khasikin, nin pi le pu thumâkhai nin zôm theina hrangin Pathian thupêk chu ite’n nin ibe ngai loi a ni.

MATHAIA 19:19

ni nu le ni pa chôiindôm roh; khabana, nangma lung ni irthung angin ni bômhai lungthung roh, tihai hi,” tiin a sâma.

MATHAIA 6:9

Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se.

MATHAIA 7:21

“‘Rengpa, Rengpa,’ ni ti narânhai chu irvân Rama lût no nihaia, ka Pa irvâna mi nuamlam thotuhai kêng an ilût hrang.

MARKA 10:19

Thupêkhai kha chu nin hriat khate: ‘Mi that no roh; uire no roh; inru no roh; milakin bâto tho no roh; mi huang no roh; ni nu le pa mahrip tho roh,’ tihai hi,” a tia.

MARKA 7:10

Mosia’n, ‘Ni nu le pa mahrip tho roh, tukhomin a nu mani, a pa mani, hrilinsiattu chu thi ngêt ri se,’ tiin thu a lei pêka.

LUKA 10:29

Khannisianlân, Dân irchutirtu khan thiam chang nuamin, Jisua kuang, “Tu mo ki bômhai?” a tia.

LUKA 18:20

Thupêkhai kha nin hriat khate uire no roh, mi that no roh, inru no roh, milakin mi hnôl no roh, ni nu le ni pa chôiindôm roh,” a tia.

LUKA 6:36

Nin pa khomin mi lung a inkham angin nangni khomin mi lung inkham ngai roi.

LUKA 6:46

“Itho mo ki thu zôm loia Rengpa, Rengpa, nin ni iti?

EFESI 6:2

“Ni nu le ni pa chôiindôm roh,” ti hi thupêk laia tep masa tak a ni.

DÂN INHNINA 1:31

Ramchâra nin fe sûng khom khan lam tinrênga nangni a hruaia, pa’n a nâi a ipuak angin hi hmun hi nangni a ipuak intung a nih ti nin inhriat mai a ni,” ki tia.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

DÂN INHNINA 5:16

Rengpa ni Pathianin thu nang a ipêk ang khan ni nu le ni pa chôiindôm ro; khanchu dam insôt ni ta, Rengpa ni Pathian nang ipêk rama khan irhniang ni ti.

1 PETERA toc2 1 PETERA 1:17

Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.