MALAKIA 1:4 - PATHIAN LEKHABU IRTHIANG C.L. Bible (BSI)

⁴ Edom-hai khan, “Inhnê’n ei om nâkin, kîr nôk ei ta, hmun siat takhai kha siam insa ei ta”, tihai sian khom; Sipaihai Rengpa khan hiang hin a ti, “Sin an ta chu kai inrîl ki ti: khan, mihai khan anni kha, ‘Siatzoina ram le kumkhuaa an chunga Rengpa ninginmurna chian chian nam,’ ti an tih.

MALAKIA 1:4 ပူးပေါင်းရင်းမြစ်များ

JOBA 12:14

A insiat tâk chu sin thei ni ta ngai ma, mihriam a ikhârkhum tâk chu tûte’n insua thei ngai mahai.

JOBA 34:29

Ama lei dâihrek sianlân, Tu mo thiam lan changtir thei hrang? A hmêl a thup khomin tu mo hmu thei hrang? Nam le mimal ta hrang khomin hmunkhat a ni.

JOBA 9:4

Pathian chu vârna tinrênga sip, sinthotheina hrât nei a ni. Ama doi thei hrang tu mo om an ta?

INPÂKNA HLAHAI 127:1

Rengpa’n in a sin no’n chu, A sintuhai chu an sinsôl chian a ni: Rengpa’n khopui a vêng insa no’n chu, A vêngtuhai chu môk meng chian an ni.

INPÂKNA HLAHAI 137:7

O Rengpa, Jerusalem rûnin a om nia Edom-hai tho dân kha inhre maiin lân; “A lungphûm khom insim roi, insim roi,” tia an ikhêk kha inhre mai roh.

INPÂKNA HLAHAI 33:10

Rengpa’n nam tinhai thiltum chu hmang hmunboi an chang pehaia; Mi tin ngaituanahai chu ite inlâpna boiin a siam pehai ngai.

THUVÂRHAI 21:30

Mihriam vârnahai, inhriatnahai le thiamnahai hi Rengpa doina a niin chu chanlamboi a ni.

ISAIA 10:4

Sala om hranga an ichelhai laia om nin ta, an ithathai laia om nin ta, kha dôr khom khan Rengpa ningmur chum pe maka, a kut a la’rlek maia.

ISAIA 11:14

Nitâk tianga om Filistia chu doi intam nôk an ta, nisua tianga omhai khom rok pehai an ti.

ISAIA 34:10

sûn zân that thei ni no ni, khu hlut hlutin om a ti. Thoithar om thei loi rakin ram zoi a ta, tûte’n va hro nuam ta no nihai.

ISAIA 34:5

Irvâna ki khandai chu ar siam zoi ta, that hranga inkung sai Edom mihai chunga a zuang tunga,

JEREMIA 31:17

Ni sûnmatona chu ni dongtum la sa a ti, nin rama ngêt ni nâihai chu la hong kîr an tih ti hi Rengpa thu suak a ni.

JEREMIA 49:20

Khasikin o Edom mihai doi hi ki thiltum, Temana khopuia mihai chunga tho hranga ki itum hi, irngai roi. An nâihai ten lua kaizam phît ni an ta, mi tinin chi tatak an ti.

JEREMIA 49:7

Khan Rengpa Itinrêngthothei, Edom chungthua a iti chu hi hi a ni: “Edom mihaiin an thil sût theina kha an inchân tâk ma ni? Lungvâr sakhai ngai khan imo an itho hrang an ihril pehai thei loi ma ni ta? An vârna a ihek zoi ma ni ta?

JEREMIA 49:8

Dedana mihai, kîr unglân laizâm tho ta roi! irbi ta roi! Anni dûk tho hrang zoro a tung tâk sika hin Esaua irchihai chu ki irhmangtirhai hrang a ni.

JEREMIA 5:17

Nin chîmuhai le nin buhai fâkin ne ving an ti, nin nâipasalhai le nupanghai that an ti. Nin kêlbelra le sehrâthai khom thathai an ta, nin grep kung le theipui kunghai insiat zoi an ti. Nin irnghatna kul nei khopuihai chu an sipaihaiin insiat an ti.

CHAP HLA 3:37

Rengpa’n thu a pêk no’n chu, tu thu mo hlochuk ngai?

EZEKIELA 11:10

Khandaiin thi ni nin ta, Israel ramri ngeia khan nin chungthu rêl ki ti; khanchu kei hi Rengpa chu ki nih ti inhriat ta nin ti.

EZEKIELA 25:13

Khasikin atûn Edom chu hrung ki ta, khataka mihriam murdihai le ramsa murdihai khom kha thatpaihai ving ki ti, iti ki inpuang a ni. Temana khopui ata Dedan khopui dênin insiat ki ta, mipuihai khom irdoina khan thatin om an ti.

EZEKIELA 25:14

Ki mi Israelhaiin ki phuba lâk chu Edom-hai chunga intungtir an ti. Khan Edom-haiin ki phuba lâk hi itin mo a ini ngai ti inhresuak thei an ti,” Rengpa Pathianin a ti.

EZEKIELA 26:14

Khanchu lungpuiin nang siam ki ta, nang chu tuipui kôla nga cheltuhai lên phoina hmun chang ta ni ti. Khopui kha siam inding ni nôk ta no ni, kei Rengpa Pathian hin ki iti a ni,” a tia.

EZEKIELA 35:4

Nin khopui chu kho ramin siam ki ta, nin ram chu ram inpon inchangtir ki ti. Khanchu Rengpa ki nih ti inhre ta nin ti.

EZEKIELA 35:9

Kumkhontuanga hrangin ni ram chu inpon ta a ta, ni khopuihai khan tukhom om nôk ta ngai no ni. Khanchu Rengpa ki nih ti inhre ta ni ti.

AMOSA 1:11

Rengpa’n hiang hin a ti, “Edom mihai tho’nchâina inthum sikin, a ni, minli sikin, a hremna kha inboi no ning; a urêng kha khandaiin a’rzûla, a lungkhamna murdi a pai irhmanga, a ninginmurna khan an potthêr mai hena, kumkhuaa a ninginmurna kha a vong chian sikin;

AMOSA 3:15

Khan, phalbi in le kholum in vîksiat ki ta, sâihaa irvô inhai kha irhmang a ti, in roiinpuihai khan mongna nei an ti,” Rengpa khan a ti.

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

AMOSA 6:11

Irngai u ta, Rengpa khan thu a pêka; khan, in lian kha chim rem rum a ta, in chîn khom kha kak phet phut a ti.

AMOSA 6:2

Kalne khuaa fe unglân en roi; khan, khataka Hamath kho roiinpuia khan fe unglân: khan, Filistia ram Gath khuaa khan chum unglân. Hi ramhai nêk hin an isa ual ma ni? Nin ram nêkin an ram a irzat ual ma ni?

OBADIA 1:1

Obadia inlârna kha Rengpa Pathian khan Edom chungchânga hiang hin a ti. Rengpa kuanga irthokin thu kin inhriata, namhai laia khan palai tîr a ni: “Thoi unglân! irdoinaa Edom doi hrangin irthok ei ti,” tiin.

OBADIA 1:10

“Ni urêngpa Jakoba irchihai ni thata, ni rok sikin, kumkhua’n mualinphoi le irhmangtirin om ni ti.

MALAKIA 1:3

Esaua rêk chu ki khôkmâka, A tânghai chu hmun ramin ki siama, ar chon dongtum chu ram sialhai ki pêk a ni.

MATHAIA 12:30

Tukhom keima tianga kop loi chu a ni doi a ni, tukhom ni bûmpui no ka chu a ichênpai chit a ni.