MALAKIA 1:3 - PATHIAN LEKHABU IRTHIANG C.L. Bible (BSI)

³ Esaua rêk chu ki khôkmâka, A tânghai chu hmun ramin ki siama, ar chon dongtum chu ram sialhai ki pêk a ni.

MALAKIA 1:3 ပူးပေါင်းရင်းမြစ်များ

IRPHUTNA 25:23

Khan Rengpa’n a kuang khan, “Ni sul sûnga khan mi nam hni an om, nangma sûnga ngêt mi nam hniin irsen an ti: nam khat hrât a ta, nam khat dok a ti: khan, a ulian ualpu khan a sangpa sin tho pe a ti,” a tia.

ISAIA 35:7

Ramchârna taka dîl tui om a ta, ram ngûitak hong har suak a ti. Sihal tamna a lêngna hmuna chu phâiruang le sûl zîng dulin om a ti.

JEREMIA 49:10

Khan, Esaua irchihai rêk chu ki khêlhai vinga, an irbîknahai ki’rlangtir pehaia, khasikin irbîkna zel nei ta mahai. Edom mihai chu an irhmang zoi tâka, inkhat lua hôi ni mahai.

JEREMIA 49:20

Khasikin o Edom mihai doi hi ki thiltum, Temana khopuia mihai chunga tho hranga ki itum hi, irngai roi. An nâihai ten lua kaizam phît ni an ta, mi tinin chi tatak an ti.

JEREMIA 49:33

Hazor chu ramchârin sia mai ta ki ti. Sihalhai omna hrangin, a sûnga tûte zel om ta no nihai. Keima Rengpa’n ki iti a ni,” a tia.

JEREMIA 49:7

Khan Rengpa Itinrêngthothei, Edom chungthua a iti chu hi hi a ni: “Edom mihaiin an thil sût theina kha an inchân tâk ma ni? Lungvâr sakhai ngai khan imo an itho hrang an ihril pehai thei loi ma ni ta? An vârna a ihek zoi ma ni ta?

JEREMIA 49:8

Dedana mihai, kîr unglân laizâm tho ta roi! irbi ta roi! Anni dûk tho hrang zoro a tung tâk sika hin Esaua irchihai chu ki irhmangtirhai hrang a ni.

JEREMIA 51:37

Kha ram kha hmun ram, rama sahai lêngna chang a ti. En irkhêl tak chang a ta; kha khan tûte om no nihaia; mi tin a hmuhaiin a sate’n chi an ti.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

CHAP HLA 4:22

Zion nâi le tehaiin nin tuang tum tuangin sala intâng ta no chin ni, nangni Edom mihaiin tuang nin ti. Nin sual dânhai khom inlang ving a ti.

EZEKIELA 36:7

Kei Rengpa Pathian ngêt hin chong kin kung, a kôlvêla namhai kha hmâimôk lahai ngêt ki ti.

EZEKIELA 36:9

Kei chu nangni tianga mi ki nia, nin loihai chu tho nôk nin ta, chîmu nangni insongtir nôk ngêt ki ti.

JOELA 3:19

Juda nâihai chunga saloi taka thoa an rama mi thiam thisen an insua sikin, Aigupta ram kha hong ram a ta, Edom ram kha ramchâr ram chârkhohroi nih a ti.

OBADIA 1:10

“Ni urêngpa Jakoba irchihai ni thata, ni rok sikin, kumkhua’n mualinphoi le irhmangtirin om ni ti.

LUKA 14:26

“Tukhom a pa mani, a nu mani a dôngma mani, a nâihai mani, a urênghai mani, a farnuhai mani, ama hringna nêk khoma lung ni thung loi chu ki irchutir ni thei no ni.